ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា មនុស្សចំនួន៤នាក់បានស្លាប់ ចំណែក២នាក់ទៀតបានរងរបួស ដោយសាររន្ទះបាញ់ ស្របពេលដែលអាកាសធាតុរកកលចង់ភ្លៀងមួយប្រាវ នៅម៉ោងជិត២រសៀលថ្ងៃទី១៩ តុលា ២០១៨នេះ នៅចំណុចរោងមួយកន្លែង(អូរចិញ្ចឹមទា) ស្ថិតក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។
គេនៅមិនទាន់ស្គាល់អត្តសញ្ញាណជនរងគ្រោះនៅឡើយ គិតត្រឹមម៉ោងជិត៣រសៀលនេះសពម្នាក់ត្រូវបានយកចេញពីចំណុចកើតហេតុ និងសព៣នាក់ទៀត នៅមិនទាន់យកចេញនៅឡើយ ហើយសម្រាប់អ្នករបួសត្រូវបានគេដឹកយកទៅសង្គ្រោះភ្លាមៗផងដែរ ។
នេះជាករណីទី២ហើយដែលរំលងបានត្រឹម១ថ្ងៃប៉ុណោះ បន្ទាប់ពីមនុស្ស៤នាក់ឡើងលើភ្នំ ហើយត្រូវរន្ទះបាញ់ក្នុងអាកាសធាតុដូចគ្នា ដោយក្នុងនោះបណ្តាលអោយមនុស្សម្នាក់ស្លាប់ និង៣នាក់ទៀតរបួសធ្ងន់ស្រាល ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]