ការប្រកួតសងសឹករវាង Pacquiao និង Floyd អាចនឹងកើតឡើងនៅឆ្នាំក្រោយនេះហើយ

អាមេរិក៖ ការប្រកួតប្រដាល់សងសឹករវាងកំពូលកីឡាករ Manny Pacquiao និងអ្នកប្រដាល់ចូលនិវត្ដន៍ Floyd Mayweather អាចនឹងកើតឡើង នៅខែឧសភា ឆ្នាំក្រោយនេះ។ 

កំពូលអ្នកប្រដាល់ទាំង២ ដែលត្រូវបានគេស្គាល់យ៉ាងច្បាស់ទូទាំងពិភពលោក អាចនឹងត្រូវជួបគ្នាសាជាថ្មី ក្នុងការប្រកួតប្រដាល់ដែលមានតម្លៃថៃ្លជាងគេក្នុងប្រវត្ដិសាស្រ្ដ ក្រោយពីពួកគេបានជួបគ្នាម្ដងរួចមកហើយនោះកាលពីឆ្នាំ២០១៥ គ្រាដែល អ្នកប្រដាល់សញ្ជាតិអាមេរិក Mayweather បានយកឈ្នះអ្នកប្រដាល់សញ្ជាតិហ្វីលីពីន Pacquiao។ 

បើរម្លឹកពីការប្រកួតដែល Floyd យកឈ្នះ Conor កាលពីឆ្នាំមុន រូបគេម្នាក់ឯងអាចរកប្រាក់បានដល់ទៅ ២៥០លានដុល្លារ ខណៈរូបគេនឹងគ្រោងរកបានរាប់រយលាននេះសាជាថ្មី ប្រសិនបើការប្រកួតទល់នឹង Pacquiao នឹងកើតឡើងមែននោះ។ 

បើការប្រកួតនេះអាចកើតឡើងមែននោះ ទីតាំងដែលនឹងធើ្វការប្រកួតគឺនឹងធើ្វនៅក្នុងរដ្ឋ Las Vegas សហរដ្ឋអាមេរិក ទីដែល Pacquiao ធ្លាប់គ្រោងធើ្វការប្រកួត បន្ទាប់ពីតទល់នឹង Adrien Broner នៅខែមករា ខាងមុខ៕