អង់គ្លេស៖ គ្រូបង្វឹកក្លិបបិសាចក្រហម Manchester United លោក Jose Mourinho បានប្រាប់ឲ្យក្លិបបន្តកិច្ចសន្យាជាថ្មីដែលមានរយៈពេល ៥ឆ្នាំដល់ខ្សែការពារ Luke Shaw ដែលកុងត្រាថ្មីនេះមានតម្លៃ ៥០លានផោន។
ទោះបីជា ការចាប់ផ្តើមនៅក្នុងរដូវកាលថ្មី ២០១៨-១៩ របស់ក្រុមម្ចាស់ជើងឯកក្របខណ្ឌលីកកំពូលអង់គ្លេសចំនួន ២០សម័យកាលនេះហាក់មិនទាន់ទទួលបានជោគជ័យច្រើនក៏ពិតមែន ប៉ុន្តែក្នុងនោះកីឡាករម្នាក់ៗនៅក្រុមបានប្រឹងប្រែងអស់ពីសមត្ថភាពដែលពួកគេមាន ជាពិសេសគឺនៅតំបន់ Luke Shaw បានលេងតែម្តង។
គ្រូបង្វឹក Mourinho ពិតជាបានមើលឃើញហើយពីសមត្ថភាព និងការខិតខំប្រែងរបស់ខ្សែកាពារវ័យ ២៣ឆ្នាំនេះ ហើយលោកបានសម្រេចយល់ព្រមផ្តល់កិច្ចសន្យាថ្មីមួយដល់ខ្សែការពាររូបនេះជាមួយនឹងតម្លៃនឿយហត់ ១៩០,០០០ផោនក្នុងសប្តាហ៍ផងដែរ។
ជាមួយគ្នានេះដែល អតីតគ្រូបង្វឹកក្រុមតោខៀវ Chelsea នេះបានប្រាប់ឲ្យសារព័ត៌មាន SunSport ដឹងថា៖ «ខ្ញុំពិតជាមានការភ្ញាក់ផ្អើលខ្លាំងណាស់ នៅពេលដែលខ្ញុំបានឃើញកូនក្រុមរបស់ខ្ញុំមានសមត្ថភាពបែបនេះ។ បើទោះបីជាពួកយើងធ្វើមិនសូវបានល្អនៅក្នុងការប្រកួតខ្លះក៏ដោយក៏ពួកយើងបានឃើញពីការខិតខំប្រឹងប្រែងរបស់កីឡាករផងដែរ។ ជាក់ស្ដែងដូចជាខ្សែការពារ Shaw ជាដើមកាលពីលេងជាមួយ Brighton ខ្ញុំបានឃើញពីសមត្ថភាពរបស់គេច្បាស់បើទោះជាយើងបរាជ័យមែន ប៉ុន្តែគេនៅតែមានឆន្ទៈក្នុងការជួយក្រុម។ ខ្ញុំគិតថាគេគឺជាខ្សែការពារឆ្វេងដ៏ល្អបំផុតនៅក្នុងពិភពលោកនេះ»។
គួរឲ្យដឹងថា ក្លិបបិសាចក្រហម Manchester United នឹងត្រូវធ្វើដំណើរទៅកាន់កីឡដ្ឋាន Stamford Bridge ដើម្បីសួរសុខទុកក្រុមម្ចាស់ផ្ទះតោខៀវ Chelsea នៅក្នុងការប្រកួតនៃក្របខណ្ឌ Premier League នាថ្ងៃ សៅរ៍ ចុងសប្ដាហ៍នេះ មុននឹងពួកគេត្រូវបន្តបើកទ្វារកីឡដ្ឋាន Old Trafford ដើម្បីទទួលស្វាគនម៍ក្រុម Juventus នៅក្នុងការប្រកួតបន្ទាប់នៃក្របខណ្ឌ Champions League៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]