ហ្វេនបារម្ភខ្លាំង ពេលឃើញ ពេជ្រ សោភា មានបញ្ហាមួយនេះធ្ងន់ ត្រូវចូលពេទ្យ

ភ្នំពេញ៖ ទោះបីជាមានវ័យកាន់តែជ្រេ តែតារាចម្រៀងអ្នកនាងពេជ្រ សោភា មានសន្ទុះប្រជាប្រិយភាពកាន់តែខ្លាំងនៅក្នុងការងារសិល្បៈ ខណៈពេលដែលក្មេងៗអ្នកសិល្បៈជាច្រើនបានចូលមកជាបន្តបន្ទាប់។

បច្ចុប្បន្ននេះតារាស្រីសាច់ចាំរូបនេះ មានភាពមមាញឹកខ្លាំងនៅក្នុងការងារ មិនថាមុខរបររកស៊ីផ្ទាល់ខ្លួន និងការងារសិល្បៈទាំងយប់ទាំងថ្ងៃ រហូតពេលខ្លះទៀតរកពេលសម្រាក មិនចង់បានតែម្តង។ តែភាពលំបាករបស់នាង បានធ្វើឲ្យជីវិតរបស់តារាស្រីរូបនេះ កាន់តែសម្បូរសប្បាយ។

ដោយឡែក កាលពីម្សិលមិញនេះ នាងក៏បានធ្វើឲ្យបណ្តាអ្នកគាំទ្រជាច្រើនមានការព្រួយបារម្ភយ៉ាងខ្លាំង ក្រោយនាងបានបង្ហោះរូបភាពប៉ុន្មានសន្លឹកនៅក្នុងមន្ទីរពេទ្យចម្រុះ ក្នុងសកម្មភាពិនិត្យយ៉ាងល្អិតល្អន់ ពីលោកគ្រូពេទ្យ។ ជាមួយគ្នានេះដែរ តារារូបនេះក៏បានបង្ហើបថា នាងកំពុងតែមានបញ្ហាច្រមុះធ្ងន់ធ្ងរ ជាលើកទី១ ដូច្នោះហើយទើបសម្រេចចិត្តមកដល់ពេទ្យបែបនេះ។

ក្រោយពីទទួលបានដំណឹងនេះ អ្នកគាំទ្រពិតជាអាណិតដល់រូបនាង មិនត្រឹមតែប៉ុណ្ណោះ ក៏មានអ្នកលេងបណ្តាញសង្គម ជាពិសេសអ្នកគាំទ្ររបស់នាង បាននាំគ្នាធ្វើការជូនពរដល់រូបនាងគ្រប់គ្នាតែម្តង៕

សូមទស្សនារូបភាពខាងក្រោមនេះ៖

• ពេជ្រ សោភា
• តារាខ្មែរ