UFC ឲ្យ Khabib ដល់ទៅ ១៥លានដុល្លារ ដើម្បីប្រកួតទល់នឹង McGregor សាថ្មី

បរទេស៖ កីឡាករឆ្នើមក្នុងទ្រុងសញ្ជាតិរុស្ស៊ី Khabib Nurmagomedov ត្រូវបានស្ថាប័ន UFC ផ្ដល់ទឹកប្រាក់ដល់ទៅ ១៥លានដុល្លារ ប្រសិនបើគេព្រមប្រកួតសាជាថ្មីទល់នឹង Conor McGregor។ 

Khabib បានផ្ដួល McGregor ត្រឹមទឹកទី៤ ដោយការកាច់ឃ្លេឲ្យសុំចុះចាញ់ និងថែមទាំងបង្កជាអំពើហិង្សា ដែលធើ្វឲ្យក្រុមរបស់កីឡាករទាំងសងខាង រងរបួសបន្ដិចបន្ដួចផងដែរ។

យ៉ាងណាក្ដីពេលនេះ មានសេចក្ដីរាយការណ៍មួយចំនួនបានបញ្ជាក់ថា ស្ថាប័នឈឺសាច់ខាងលើនេះ បានផ្ដល់នូវកញ្ចប់ទឹកប្រាក់យ៉ាងធំរហូតដល់ទៅ១៥លានដុល្លារអាមេរិក ឲ្យទៅកីឡាករវ័យ៣០ឆ្នាំ ដើម្បីធើ្វការប្រកួតសាជាថ្មីទល់នឹង Conor McGregor។  

ទោះជាការផ្ដល់មួយនេះ មានចំនួនទឹកប្រាក់ធំយ៉ាងណាក៏ដោយ ក៏ Khabib មិនព្រមវ៉ាយដែរ ពោលគឺរូបគេបានបដិសេធនូវសំណើរមួយនេះ ដោយចង់ធើ្វការប្រកួតជាមួយកីឡាករ Tony Ferguson។

សូមបញ្ជាក់ថា អនាគតរបស់ Khabib ជាមួយស្ថាប័ន UFC នៅមិនទាន់ប្រាកដ១០០% នោះទេ ក្រោយពីរូបគេគំរាមថា នឹងដើរចេញពីស្ថាប័នមួយនេះ ប្រសិនបើពួកគេហ៊ានធើ្វការពិន័យទៅដល់មិត្ដរបស់គេឈ្មោះ Zubaira Tukhugov៕