អង់គ្លេស៖ ខ្សែប្រយុទ្ធ Sadio Mane បានក្លាយជាកីឡាករទី៣ នៅក្នុងបញ្ជីកីឡាកររបួសរបស់ក្លិបហង្សក្រហម Liverpool បន្ទាប់ពីរូបគេមានបញ្ហាបាក់ឆ្អឹងមេដៃអំឡុងពេលហ្វឹកហាត់ត្រៀមប្រកួតជាមួយជម្រើសជាតិស៊ូដង់ នៃពានរង្វាន់ Africa Cup of Nations។
ខ្សែប្រយុទ្ធឆ្នើមរបស់ក្រុមជម្រើសជាតិសេណេហ្គាល់នេះ ត្រូវបានគេបញ្ជូនទៅមន្ទីរពេទ្យភ្លាមៗ ក្រោយពីកីឡាកររូបនេះមានបញ្ហានៅត្រង់មេដៃរបស់គេក្នុងពេលហ្វឹកហាត់ជាមួយក្រុមជម្រើសជាតិ ហើយបញ្ហារបួសរបស់គេនេះ ទំនងជាអាចនឹងប៉ះពាល់ទៅដល់ការប្រកួតក្នុងក្របខណ្ឌ Premier League នៅពេលដែលក្រុម Liverpool របស់គេត្រូវជួបគ្នាជាមួយក្រុម Huddersfield នៅចុងសប្ដាហ៍នេះផងដែរ។
អតីតខ្សែប្រយុទ្ធក្រុម Southampton មានបញ្ហារបួសមេដៃខាងឆ្វេងនេះ គឺមិនមែនជាកីឡាករទី១នោះទេដែលបានជួយបញ្ហានេះ ពោលគឺរូបគេបានក្លាយជាកីឡាករទី៣របស់ក្រុម Liverpool ដែលកំពុងជួបបញ្ហារបួសអំឡុងការប្រកួតជាមួយក្រុមជម្រើសជាតិ។
គួរឲ្យដឹងថា មួយរយៈមកនេះខ្សែប្រយុទ្ធ Mohamed Salah បានចាកចេញពីក្រុម Liverpool ដើម្បីទៅជួយក្រុមជម្រើសជាតិអេហ្ស៊ីបក្នុងពានរង្វាន់ Africa Cup of Nations ប៉ុន្តែរូបគេត្រូវបានបញ្ជូនត្រឡប់ទៅកាន់ទឹកដី Liverpool វិញបន្ទាប់ពីរូបគេមានបញ្ហារបួសសាច់ដុំភ្លៅ អំឡុងពេលរូបគេត្រូវជួយក្រុមតទល់នឹងក្រុមជម្រើសជាតិស្វាហ្សុីឡង់។
ជាមួយគ្នានេះដែរ ខ្សែការពារ Virgil van Dijk ក៏មានបញ្ហារបួសបាក់ឆ្អឹងជំនីផងដែរ ពេលដែលរូបគេបានជួយក្រុមជម្រើសជាតិហូឡង់ លត់ក្រុមអាល្លឺម៉ង់ ៣-០ ក្នុងពានរង្វាន់ UEFA Nations League ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
