នេះបានចំហៅជីវិតឥតខ្ចោះមែន តារាស្រីម្នាក់នេះ កើតមកមានទាំងអស់ មិនថា សម្រស់ ទ្រព្យសម្បត្តិ និងចំណេះពេញខ្លួន

ថៃ៖ ជីវិតរបស់ តារាស្រី និងអ្នកជំនួញម្នាក់ កំពុងតែធ្វើឲ្យ គេចាប់អារម្មណ៍ខ្លាំង ព្រោះថាពេលនេះ នាងមានអ្វីគ្រប់យ៉ាង មិនថា រូបសម្រស់ ទ្រព្យសម្បត្តិ សមត្ថភាព និងមុខមាត់ក្នុងសង្គម គឺមានទាំងអស់។

តាមប្រភពព័ត៌មានមួយ បានបង្ហាញពី នាង Ploifone Cherpat ដែលជីវិតរបស់នាងពោរពេញទៅដោយក្តីសុខ រស់នៅក្នុងលើទ្រព្យសម្បត្តិ និងប្រើជីវិតយ៉ាងហាយសូរបំផុត។

ក្នុងនោះនាង ក៏បានប្រាប់ដែរ កាលពីដំបូងឡើយ នាងក៏បានចូលសិល្បៈបានមួយរយៈ ហើយកាលចូលសិល្បៈនេះ មិនមែនចូលដើម្បី រកលុយ ឬភាពល្បីល្បាញនោះទេ គ្រាន់តែជាការសប្បាយរបស់នាងតែប៉ុណ្ណោះ ព្រោះថា តាំងពីមុនចូលសិល្បៈ គឺនាងមានទ្រព្យសម្បត្តិទៅហើយ។ 

ជាពិសេស បើទោះបីជា នាង ជាកូនអ្នកមាន និងជាស្រីស្អាតក៏ដោយ ក៏នាងមិនភ្លេចការសិក្សានោះទេ គឺនាងរៀនទាល់តែចប់ និងបន្តការសិក្សា ទៅប្រទេសក្រៅទៀតផង។ បច្ចុប្បន្ននេះ នាង ក៏ជា Creative Director របស់ប្រ៊េនមួយ ហើយជាពិសេស ប្រ៊េនមួយនោះ ក៏ទទួលបានដំណើរការរលូន និងមានអ្នកគាំទ្រច្រើនផងដែរ។

យ៉ាងណាមិញ នាង Ploifone Cherpat អាចនិយាយបានថា ជានារីម្នាក់ ឥតខ្ចោះមួយរូប ដែលខ្លួនទើបតែអាយុមិនដល់ខ្ទង់៣០ឆ្នាំ តែនាងមានអ្វីគ្រប់យ៉ាង អស់ទៅហើយ៕ 

• តារាថៃ