សង្ស័យបារមីអាទិទេព?! ផ្ទុះភ្នំភ្លើងខ្ទេចក្រុងគ្មានសល់ ស្លាប់រាប់ម៉ឺននាក់ តែគំនូរក្នុងអាសនៈ នៅតែល្អឥតខ្ចោះ

អ៊ីតាលី៖ អាសនៈអាទិទេពបុរាណមួយ ដែលមានអាយុកាល ២,០០០ ឆ្នាំមកហើយនោះ ត្រូវបានរកឃើញក្រោយពីការធ្វើកំណាយវត្ថុបុរាណមួយ ក្នុងក្រុងបាក់បែក Pompeii នៃប្រទេសអ៊ីតាលី។ 

អ្វីដែលគួរឱ្យចាប់អារម្មណ៍នោះគឺ បន្ទាប់ពីបន្ទុះភ្នំភ្លើងដ៏មហន្តរាយនៅភ្នំ Vesuvius កាលពីឆ្នាំ ៧៩ នៃគ្រឹស្តសករាជ ដែលបានបំផ្លិចបំផ្លាញគ្រប់យ៉ាងខ្ទេចគ្មានសល់ ហើយសម្លាប់មនុស្សអស់ ១៦,០០០ នាក់ឯណោះ ប៉ុន្តែទីធ្លាក្នុងអាសនៈនេះនៅតែរក្សារូបរាងដើមបានយ៉ាងល្អឥតខ្ចោះក្នុងផេះភ្នំភ្លើង។

បុរាណវត្ថុវិទូបានពិពណ៌នាអាសនៈដែលគេស្គាល់ឈ្មោះថា Lararium នេះមានលក្ខណៈ “វិសេសវេសាល” ហើយពួកគេកំពុងជីកកាយបន្ថែមទៀតដើម្បីស្វែងយល់អំពីមនុស្សដែលប្រើប្រាស់អាសនៈនេះ។

គួរឱ្យដឹងថា ក្នុងសម័យអាណាចក្ររ៉ូមបុរាណ អាសនៈ Lararium ជាអាស្រមទេវតាដែលដាក់នៅមុខច្រកចូលផ្ទះរបស់អ្នកមានទ្រព្យស្តុកស្តម្ភ សម្រាប់សែនព្រេន និងបន់ស្រន់ដល់ព្រះជាម្ចាស់៕  

ទាំងនេះជាគំនូរក្នុងអាសនៈ Lararium៖

តើប្រិយមិត្តយល់យ៉ាងណាដែរ?

• ទីកន្លែង
• រូបភាព