បរទេស៖ ក្រុមសេះបង្កង់ Juventus អាចនឹងត្រូវចូលក្នុងបញ្ជីខ្មៅចំពោះបញ្ហាហិរញ្ញវត្ថុ ក្រោយពីមានការចោទប្រកាន់ទៅនឹងករណីរំលោភរបស់ខែ្សប្រយុទ្ធ Cristiano Ronaldo។
តម្លៃភាគហ៊ុនរបស់ Juventus បានធ្លាក់ចុះយ៉ាងហោចណាស់ ៣០ភាគរយ ចាប់តាំងពីទស្សនាវដ្តីអាល្លឺម៉ង់ Der Spiegel បានរាយការណ៍ថា Ronaldo ត្រូវបានគេចោទប្រកាន់ពីបទរំលោភទៅលើនាង Kathryn Mayorga ។
នារីសញ្ជាតិអាមេរិក វ័យ៣៤ឆ្នាំនេះ បានចោទថា Ronaldo បានធើ្វការរំលោភនាងនៅក្នុងសណ្ឋាគារមួយក្នុងទីក្រុង Las Vegas សហរដ្ឋអាមេរិក កាលពីឆ្នាំ២០០៩ ខណៈដែលអតីតកីឡាកររបស់ក្រុម Manchester United និង Real Madrid បានធើ្វការបដិសេធយ៉ាងខ្លាំងជុំវិញការចោទប្រកាន់នេះ។
រវាងថ្ងៃទី២៧ ខែកញ្ញា ១ថ្ងៃមុនការចោទប្រកាន់ទៅលើ Ronaldo និងនៅថ្ងៃទី១០ ខែតុលា តម្លៃភាគហ៊ុន Juventus បានធ្លាក់ចុះពី ១,៣៣ផោន មកនៅត្រឹម ០,៩៤ផោន ដែលជាការធ្លាក់ចុះចំនួន ២៩.៦% ។
យ៉ាងណាក៏ដោយ តម្លៃបានស្ទុះងើបឡើងវិញកាលពីម្សិលមិញបន្តិចបន្តួច ជាលើកដំបូង ចាប់តាំងពីការចោទប្រកាន់របស់ Ronaldo នេះ ត្រូវបានធ្វើតាមសេចក្តីថ្លែងការណ៍ដោយមេធាវីរបស់គេ ដែលអះអាងថាជនល្មើសតាមអ៊ីនធើណែតបានក្លែងបន្លំឯកសារដែលធ្វើឱ្យរូបគេមើលទៅមានកំហុសពីបទរំលោភសេពសន្ថវៈ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
