វៀតណាម៖ កាលពីថ្មីៗនេះ មានរឿងដ៏គួរឲ្យភ្ញាក់ផ្អើលមួយនៅលើបណ្តាញសង្គម នៅពេលឃើញលោកតាម្នាក់មានអាយុ ៨៥ឆ្នាំ ឈ្មោះថា Cao Nhat Ling កំពុងសិក្សាជានិស្សិតឆ្នាំទី២ ផ្នែកច្បាស់នៅសកលវិទ្យាល័យមួយកន្លែងក្នុងទីក្រុងហាណូយ។
យ៉ាងណាមិញ បើតាមការបញ្ជាក់បន្ថែមបានឲ្យដឹងទៀតថា លោកតាបានរៀនបញ្ចប់អស់៤មុខវិទ្យាហើយ ហើយលោកតាក៏ទទួលបានពិន្ទុល្អ និងទទួលការសរសើរពីលោកគ្រូអ្នកគ្រូផងដែរ។
ម៉្យាងវិញទៀត លោកតាបានបញ្ជាក់ប្រាប់មូលហេតុចម្បងដែលធ្វើឲ្យលោកតា ចូលរៀននៅអាយុប៉ុណ្ណឹង ក៏ដោយសារតែកាលពីមុន លោកតាមិនអាចចូលរៀនសាកលវិទ្យាល័យបាន ហើយលោកតាបានរៀនត្រឹមថ្នាក់ទី៣តែប៉ុណ្ណោះ។ មួយវិញទៀត ដោយសារតែជីវភាពលំបាក និងត្រូវការរកលុយដើម្បីចិញ្ចឹមប្រពន្ធ និងកូនៗថែមទៀតនោះ ទើបលោកតាគ្មានពេលនឹងត្រូវធ្វើរឿងមួយនេះ។
លុះមកទល់ពេលនេះ កូនៗរបស់លោកតាធំ និងចេះរកលុយដោយខ្លួនឯងអស់ហើយ ទើបលោកតាមានឱកាសក្នុងការចូលរៀននូវអ្វីដែលខ្លួនប៉ង អស់រយៈពេលជាយូរមកហើយ។
ទោះជាយ៉ាងណាក្តី ក្រោយពីឃើញបែបនេះ មហាជនពិតជាស្ញប់ស្ញែងចំពោះទឹកចិត្តរបស់លោកយ៉ាងខ្លាំង ព្រោះបើទោះជាលោកតាមានអាយុកាន់តែជ្រេខ្លាំងទៅហើយក្តី ក៏ប៉ុន្តែលោកតានៅតែធ្វើរឿងដែលខ្លួនស្រលាញ់ ដោយមិនខ្វល់ពីអ្វីនោះទេ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]