ប្លែកភ្នែក! ឡើងផ្ទះថ្មីសុខ សោម៉ាវត្តី យប់មិញ អ្នកចូលរួម សៀកពាក់ខ្មៅគ្រប់គ្នា

ភ្នំពេញ៖ កាលពីយប់មិញនេះ តារាសម្តែងកូនមួយ មុខមាត់នៅតែស្រស់ស្អាត អ្នកនាងសុខ សោម៉ាវត្តី បានប្រារព្ធធ្វើពិធីឡើងផ្ទះថ្មីរបស់ខ្លួន ក្រោមការរៀបចំយ៉ាងអធិកអធម និងមានភ្ញៀវកិត្តិយសជាច្រើនបានចូលរួម។

យ៉ាងណាមិញ ផ្ទះមួយនេះគឺជាការខិតខំប្រឹងប្រែងទាំងថ្ងៃ និងយប់ នៅក្នុងការងារសិល្បៈ ក៏ដូចជាការងារផ្ទាល់ខ្លួនជាច្រើន ទើបបានធ្វើឲ្យក្តីប្រាថ្នារបស់នាងបានសម្រេចដូចបំណង ដោយទទួលបានទ្រនំរស់នៅជាមួយនឹងកូនស្រីយ៉ាងស្រស់ស្អាតបែបនេះ។

ជាក់ស្តែង កាលពីយប់មិញនេះនាងក៏បានធ្វើពិធីឡើងគេហដ្ឋានថ្មី ដែលមានការចូលរួមពីភ្ញៀវប្រុសស្រីជាច្រើន ជាពិសេសតារារួមជំនាន់ជាមួយនាងជាច្រើននាក់ផងដែរ។ តែអ្វីដែលគួរឲ្យចាប់អារម្មណ៍នោះគឺ រាល់អ្នកចូលរួមទាំងអស់ បាននាំគ្នាធ្វើខ្លួនស្អាតៗ នៅក្នុងសម្លៀកបំពាក់ពណ៌ខ្មៅទាំងអស់ មើលទៅធ្វើឲ្យកម្មវិធីកាន់តែឡូយជាងមុនទៅទៀត។

លើសពីនេះទៅទៀត បណ្តាអ្នកគាំទ្រក៏បានសរសើរដល់អ្នកម្តាយសម័យថ្មីរូបនេះ មិនដាច់ពីមាត់ ពីការខិតខំរបស់នាង នៅក្នុងការមើលថែកូនស្រី ថែមទាំងទទួលបាននូវក្តីស្រមៃដែលនាងតែងប្រាថ្នាយ៉ាងជោគជ័យ៕

សូមទស្សនាទិដ្ឋភាព កម្មវិធីឡើងផ្ទះរបស់នាង ខាងក្រោមនេះ៖

• សុខ សោម៉ាវត្តី
• តារាខ្មែរ