បរទេស៖ អ្នកលេងគុណចម្រុះមិនទាន់ស្គាល់រសជាតិចាញ់ Khabib Nurmagomedov នៅតែអាចការពារខ្សែក្រវាត់ UFC Lightweight Championship រួមទាំងទទួលបានតម្លៃខ្លួនដល់ទៅ ២លានដុល្លារ បន្ទាប់ពីផ្តួលអ្នកលេងក្នុងទ្រុងមុខឌឺ Conor McGregor ត្រឹមទឹកទី ៤ កាលពីថៃ្ងសៅរ៍ សប្ដាហ៍មុន។
កីឡាករសញ្ជាតិអៀរឡង់នេះ អាចទទួលបានតម្លៃខ្លួនតែ ៣លានដុល្លារប៉ុណ្ណោះ ក្រោយពីរូបគេបានខកខាននៅក្នុងការឡើងប្រកួតអស់ជាង ២ឆ្នាំរួចមក បើគិតចាប់តាំងពីរូបគេបានប្រកួតចុងក្រោយដោយយកឈ្នះកីឡាករ Eddie Alvarez អំឡុងឆ្នាំ ២០១៦ ខណៈដែលការប្រកួតនេះផងដែរ Conor គឺត្រូវដើរតួជាអ្នកមកដណ្ដើមខ្សែក្រវ៉ាត់ពី Khabib នៅក្នុងប្រភេទទម្ងន់ Lightweight ដែលស្ថាប័ន UFC បានកំណត់។
ទោះជាយ៉ាង ម្ចាស់ការពារខ្សែក្រវាត់ Khabib នៅតែអាចបន្តកំណត់ត្រាមិនដែលចាញ់លើកទី ២៧ នៅក្នុងអាជីពរបស់គេ ដោយបានបំបាក់ជើងខ្លាំង McGregor ត្រឹមទឹកទី ៤ ប៉ុណ្ណោះដោយការកាច់ឃ្លេនៅត្រង់ករ ប៉ុន្តែការប្រកួតនេះត្រូវបានបញ្ចប់ទៅដោយមានរឿងចម្រូងចម្រាសកើតឡើង។
គួរឲ្យដឹងថា ជុំវិញតម្លៃខ្លួនវិញរបស់កីឡាករទាំង ២នាក់នេះដែលឡើងប្រកួតយ៉ាងកក្រើកសង្វៀន UFC វិញគឺ កីឡាករ Khabib Nurmagomedov អាចទទួលបាន ២លានដុល្លារ ចំណែកកីឡារ Conor McGregor វិញអាចទទួលបានដល់ ៣លានដុល្លារ ហើយបើធៀបកាលពីជួបគ្នាជាមួយ Floyd Mayweathe វិញគឺខុសគ្នាឆ្ងាយដូចមេឃនិងដី ដោយកាលនោះកីឡាករ McGregor អាចទទួលបានតម្លៃខ្លួនដល់ទៅ ១០០លានដុល្លារឯណោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]