កូរ៉េខាងត្បូង ៖ ជាការពិតណាស់តាំងពី Kpop ចាប់ផ្ដើមមានកេរ្តិ៍ឈ្មោះបោះសម្លេង នៅលើឆាកអន្តរជាតិមក មាននារីៗជាច្រើនចាប់ផ្ដើមដាក់ចំណាប់អារម្មណ៍ ទៅលើតារាកូរ៉េកម្លោះៗ សូម្បីតារាស្រីបរទេសប៉ែកអឺរ៉ុបមិនតិចនាក់នោះទេ ដែលសារភាពថាខ្លួនពិតជាលង់ស្នេហ៍ជាមួយនឹងសម្រស់តារាប្រុសកូរ៉េល្បីៗ។
ជាក់ស្ដែងតំណែងតារាប្រុសដែលមានមុខមាត់សង្ហាជាងគេនៅលើលោក ក៏បានទៅលើតារាប្រុសជនជាតិកូរ៉េផងដែរ។ ដូច្នេះហើយទើបវាក្លាយទៅជារឿងដ៏គួរឲ្យភ្ញាក់ផ្អើលមួយនៅពេលដែលតារាស្រីល្បីៗរបស់កូរ៉េបែរជាសារភាពថា ខ្លួនមានចំណូលចិត្តទៅលើតារាប្រុសបរទេសទៅវិញ។
ទស្សនារូបភាពខាងក្រោមតើតារាស្រីរូបណាខ្លះដែលមានចំណូលចិត្តលើតារាប្រុសបរទេស៖
១. Suzy
Suzy បាននិយាយថានាងពិតជាចូលចិត្តបុរសដែលមានត្របកភ្នែកពីរជាន់ ហើយនាងក៏ចូលចិត្តមនុស្សដែលស៊ិចស៊ីផងដែរ។ នាងបាននិយាយថា តារាសម្តែងជនជាតិអាមេរិក Ian Somerhalder គឺដូចនឹងប្រភេទបុរសក្នុងក្តីសុបិនរបស់នាងបំផុត។
២. YoonA
YoonA បាននិយាយថា នាងគឺជាអ្នកគាំទ្រដ៏ធំ របស់តារាសម្តែងជប៉ុន លោក Takuya Kimura។
៣. Nayeon (TWICE)
នាងបាននិយាយនៅក្នុងកម្មវិធីទូរទស្សន៍មួយថា នាងចង់ក្លាយជាមិត្តស្រីរបស់ Iron Man។ ហើយបុគ្គលិកលក្ខណៈរបស់លោក Tony Stark គឺពិតជាដូចអ្វីដែលនាងពេញចិត្តបំផុត។
៤. Krystal [f(x)]
Krystal ធ្លាប់បាននិយាយថា នាងចូលចិត្តតារាសម្តែងអាមេរិក Johnny Depp យ៉ាងខ្លាំង។
៥. Jeon Somi
Somi បាននិយាយថា Chris Hemsworth គឺដូចជាប្រភេទបុរសដែលនាងពេញចិត្ត។
នាងបានមើលវីដេអូឃ្លីបរបស់គាត់ម្តងហើយម្តងទៀត។ នាងនិយាយថា គាត់គឺមានភាពទាក់ទាញខ្លាំងណាស់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]