អ៊ីតាលី៖ គ្របង្វឹករបស់ក្រុម Juventus លោក Missimiliano Allegri បាននិយាយសរសើរទៅកាន់កីឡាកររបស់ខ្លួន គឺ Cristiano Ronaldo ថាជាមនុស្សល្អ ទាំងក្នុងនិងក្រៅទីលានប្រកួត ទោះជាប៉ុន្មានសប្ដាហ៍មកនេះ រូបគេមានរឿងអាស្រូវក៏ដោយ។
ក្នុងរយៈពេល១សប្ដាហ៍កន្លងមកនេះ រឿងដែលចោទថា ខែ្សប្រយុទ្ធវ័យ៣៣ឆ្នាំ បានធើ្វការរំលោភនាង Kathryn Mayora វ័យ៣៤ឆ្នាំ ដែលសព្វថៃ្ងមានតួនាទីជាគ្រូបង្រៀន គឺជាតារាម៉ូឌែលម្នាក់កាលពីអតីតកាលនោះ បានធើ្វឲ្យសារព័ត៌មាន ក៏ដូចជាមហាជនមានការភ្ញាក់ផ្អើល ខណៈ Ronaldo ផ្ទាល់ក៏បានចេញមុខបកស្រាយដែរថា ការចោទប្រកាន់នេះគឺគ្រាន់តែចង់ផ្សព្វផ្សាយពីខ្លួនគេ ដោយចង់យកឈ្មោះរបស់កីឡាករកូន៤នោះប៉ុណ្ណោះ ។
គ្រូបង្វឹកក្រុមយក្សរបស់អ៊ីតាលីនេះ បានធើ្វការនិយាយទៅកាន់ប្រព័ន្ធផ្សព្វផ្សាយ មុននឹងដល់ការប្រកួតនៅយប់នេះទល់នឹងក្រុម Udinese ហើយក៏បានបញ្ជាក់ថា Ronaldo នឹងនៅតែមានឈ្មោះលេងនៅយប់នេះដដែល។
«Cristiano គឺមិនអីនោះទេ។ ខ្ញុំទើបតែដឹងពីគេក្នុងរយៈពេល ៣ខែ ប៉ុន្ដែក្នុងពេល១៥ឆ្នាំ នៃអាជីព រូបគេតែងតែបង្ហាញនូវភាពចាស់ទុំមិនថាទាំងក្នុង និងក្រៅទីលាននោះទេ។ Ronaldo គឺផ្ដោតអារម្មណ៍តែការប្រកួតនៅថៃ្ងសែ្អកនោះទេ ក្រៅពីនោះគឺគ្មានអ្វីដែលគេត្រូវគិតនោះទេ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]