ហេតុតែជាតារាល្បី! ដួង ម៉ានិច ទៅធ្វើបុណ្យនៅវត្ត មានអ្នកគាំទ្រ ចោមរោមសុំថតព្រាត (មានវីដេអូ)

ភ្នំពេញ៖ បន្ទាប់ពីសម្តែងរឿងភាគខ្មែរ ដ៏កំពុងពេញនិយមរឿង«ភ្លើង» បានប៉ុន្មានភាគប៉ុណ្ណោះ ឃើញថាប្រជាប្រិយភាពរបស់តារាសម្តែងស្រី និយមលេងខ្លួនបែបឡូយឆាយកញ្ញាដួង ម៉ានិច កាន់តែកើនឡើងជាលំដាប់ មិនត្រឹមតែប៉ុណ្ណោះនាងក៏ត្រូវបានអ្នកគាំទ្រសរសើរមិនដាច់ពីមាត់ ពេលលេចមុខសម្តែងក្នុងរឿងនេះ។

បច្ចុប្បន្ននាងក៏មានភាពមមាញឹកខ្លាំង នៅក្នុងការងារសិល្បៈ តែទោះជាយ៉ាងណាក្តីនាងក៏មិនភ្លេច យកចង្ហាន់ទៅវត្តប្រគេនព្រះសង្ឃដែលកាលពីពេលថ្មីៗនេះ។ លើសពីនេះទៅទៀត នាងក៏បានតែងខ្លួនយ៉ាងសាកសម នៅក្នុងឈុតប្រពៃណី យ៉ាងគួរឲ្យស្រលាញ់ នៅក្នុងទីវត្តអរាម ជាមួយនឹងកាយវិការយ៉ាងទន់ភ្លន់។

គ្រាន់តែបានឃើញបែបនេះ អ្នកគាំទ្រដែលបានជួបនាងផ្ទាល់នៅទីនោះ ក៏ទប់ចិត្តមិនបានចោមរោម សុំនាងថតរូបគ្រប់គ្នាតែម្តង ដូច្នោះហើយក៏ធ្វើឲ្យនាងបង្ហាញអារម្មណ៍សប្បាយចិត្ត ញញឹមបិទមាត់មិនជិតនោះទេ។

អ្វីដែលកាន់ដែលពិសេសនោះគឺ អ្នកគាំទ្រក៏បានបង្ហាញការពេញចិត្តយ៉ាងខ្លាំង នៅពេលដែលឃើញនាង សម្តែងរឿងភាគមួយនេះបានយ៉ាងល្អជាងរឿងមុនៗទៅទៀត ហេតុដូច្នោះហើយទើបធ្វើឲ្យអ្នកគាំទ្រកាន់តែស្រលាញ់ និងពេញចិត្តនាងបែបនេះ៕

សូមទស្សនាវីដេអូ សកម្មភាពកញ្ញា ដួង ម៉ានិច ទៅវត្តខាងក្រោមនេះទាំងអស់គ្នា៖

• ដួង ម៉ានិច
• តារាខ្មែរ