ធ្លាប់តែស្លៀកស៊ិចស៊ី ដល់ពេល វណ្ណ វល័ក្ខ តែងខ្លួនសុភាពបែបនេះ ចូលវត្ត កាន់តែគួរឲ្យស្រលាញ់

ភ្នំពេញ៖ តារាសម្តែងដ៏មានប្រជាប្រិយភាព និងនិយមលេងខ្លួនស៊ិចស៊ីកញ្ញាវណ្ណ វល័ក្ខ កាន់តែមានហាងឆេងខ្លាំងនៅក្នុងការងារសិល្បៈ ជាពិសេសនាងក៏ត្រូវបានផលិតករជាច្រើន បានហៅនាងទៅថតជាបន្តបន្ទាប់ ដែលភាគច្រើនសុទ្ធតែជាតួកាចឆ្នាស់ និងតួបែបស៊ិចស៊ី។

មកទល់នឹងពេលនេះឃើញថា មានតារាប្រុសស្រីជាច្រើនបាននាំគ្នាយកចង្ហាន់ទៅប្រគេនព្រះសង្ឃ ក្នុងឱកាសពិធីបុណ្យភ្ជុំបិណ្ឌ ដោយម្នាក់ៗបានលេងខ្លួនយ៉ាងស្រស់ស្អាត នៅក្នុងការតែងខ្លួនយ៉ាងសមរម្យ។ តែបើក្រឡេកទៅមើលតារាស៊ិចស៊ីរូបនេះវិញ ឃើញថាពិតជាប្លែកភ្នែកខ្លាំង ខុសពីសព្វដង និងស្អាតជាងមុនទៅទៀត។

ដោយក្នុងនោះនាងបានជ្រើសរើសសម្លៀកបំពាក់ សំពត់បែបប្រពៃណីពណ៌ក្រហម ជាមួយនឹងអាវពណ៌ស ធម្មតា មើលទៅពិតជាឃើញសុភាព និងគួរឲ្យស្រលាញ់​មែនទែន។ បន្ទាប់ពីឃើញការផ្លាស់ប្តូរ នៃការស្លៀកពាក់របស់តារារូបនេះ បានធ្វើឲ្យអ្នកគាំទ្រជាច្រើនសរសើរដល់រូបនាងគ្រប់គ្នា ដែលអាចបត់បែនគ្រប់ស្ថានភាព ទោះបីជាខ្លួនស្រលាញ់លើការស្លៀកពាក់បែបស៊ិចស៊ី យ៉ាងណាក្តី៕

សូមទស្សនារូបភាពខាងក្រោមនេះ ដើម្បីជ្រាបកាន់តែច្បាស់៖ 

• វណ្ណ វល័ក្ខ
• តារាខ្មែរ