ភ្នំពេញ៖ ដូចដែលប្រិយមិត្តបានជ្រាបហើយថា ពាក់ព័ន្ធទៅនឹងការ ចេញទៅព្យាបាលច្រមុះរបស់អតីតតារាសម្ដែងស្រី កញ្ញា បេនី យ៉ាំង កាលពីកន្លងមក មានការភ្ញាក់ផ្អើលយ៉ាងខ្លាំង ពីសំណាក់ហ្វេនដែលជាអ្នកគាំទ្រ របស់ខ្លួន ។
តែអ្វីដែលគួរឲ្យចាប់អារម្មណ៍នោះគឺ កាលពីម្សិលមិញនេះ ក៏លេចឮ និងល្បីពេញបណ្តាញសង្គម ដោយថានាងកើតមហារីកច្រមុះ ដោយសារតែការកែកុនច្រមុះរបស់នាង កាលពីកន្លងមក។
ក្នុងនោះផងដែរ ខ្មែរឡូត ក៏ចង់ជ្រាបច្បាស់ថាតើកញ្ញា បេនី យ៉ាំង មានបញ្ហានេះមែនឬ យ៉ាងណា ក៏បានសាកសួរនាងដោយផ្ទាល់ តាមទូរស័ព្ទ ដោយនាងបាននិយាយឲ្យដឹងថា « សុទ្ធជារឿងដែលមិនពិត និងគ្មានការបកស្រាយ ពីរូបនាង ហើយនាង ថែមទាំង មិនបានកើតជំងឺមហារីកអ្វីបន្តិចសោះ។
ចំណែកឯការពាក់ម៉ាស់នេះ គ្រាន់តែនាង មិនចង់បើកមុខបង្ហាញទៅកាន់ទស្សនិកជន នៅពេលនេះតែប៉ុណ្ណោះ។ ម្យ៉ាងវិញទៀត ខ្លួនក៏ចង់ Surprise ជាមួយហ្វេន ក្នុងពេលវេលាសមស្របណាមួយដែរ ។
កញ្ញា បេនី យ៉ាំង បានបន្តទៀតថា ច្រមុះរបស់ខ្លួន បានជាសះស្បើយ ១០០ភាគរយហើយ គ្រាន់តែនៅស្នាមបន្តិចតែប៉ុណ្ណោះ ដូច្នេះចាំរង់ចាំ មើលទម្រង់ច្រមុះរបស់នាង ជាថ្មី ក្នុងពេលឆាប់ៗនេះ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]