ភ្ញាក់ផ្អើល! Real Madrid ភ្លាត់ចាញ់ CSKA Moscow ទាំងមិនអស់ចិត្ដ (មានវីដេអូ)

រុស្ស៊ី៖ ក្រុមម្ចាស់ការពារតំណែងជើងឯក Real Madrid បានភ្លាត់ចាញ់ក្រុមម្ចាស់ផ្ទះ CSKA Moscow ដោយលទ្ធផល ១-០ ក្នុងវគ្គសន្សំពិន្ទុតាមពូលសប្ដាហ៍ទី២ នៃពានរង្វាន់ UEFA Champions League។ 

ចាប់ផ្ដើមកែបាល់តង់ទី១ ត្រឹមពាក់កណ្ដាលនាទីទី១ ខែបម្រើដែលខ្ចីជើងពីក្រុម Everton កីឡាករ Nikolas Vlasic ស៊ុតមួយជើងឆ្វេងចូលទីយ៉ាងស្អាត ក្រោយកំហុសរបស់ខែ្សការពារ Real Madrid បំណងទាត់ទៅឲ្យអ្នកចាំទី Navas ប៉ុន្ដែទាន់រៀងស្ទើរ។

ក្រោយពីធើ្វការនាំមុខ ក្រុមភ្ញៀវធើ្វការសម្រុកយ៉ាងខ្លាំង ប៉ុន្ដែត្រូវបានជួយសង្គ្រោះពីអ្នកចាំទី ក៏ដូចជា ខែ្សការពារក្រុមយក្សរបស់រុស្ស៊ីនេះដែរ។

ចប់ការប្រកួត ក្រុមជើងឯក ១៣សម័យពានរង្វាន់មួយនេះ បានត្រឹមសោកស្ដាយក្រោយបាត់បង់៣ពិន្ទុ យ៉ាងមានសារសំខាន់ទៅលើក្រុម CSKA Moscow ដោយលទ្ធផល ១-០។

លទ្ធផលមួយនេះ ធើ្វឲ្យ Real Madrid ធ្លាក់ទៅលេខ៣ ក្នុងពូលG មាន៣ពិន្ទុ ស្មើជាមួយ Roma ខណៈលេខ១ក្នុងពូលគឺ CSKA Moscow មាន៤ពិន្ទុ ឯ Plzen មានត្រឹម១ពិន្ទុប៉ុណ្ណោះ ស្ថិតនៅបាតតារាង៕