បេះដូងជាខ្មែរ គឹម លីហ្សា នៅតែរក្សាសម្លៀកប្រពៃណី ទោះរស់លើដីប្រទេសក្រៅ

ភ្នំពេញ៖ ជាការពិតណាស់ សម្លៀកបំពាក់ប្រពៃណី ដែលមានអាវប៉ាក់ ហួលផាមួង  តែងត្រូវបានកូនខ្មែរគ្រប់រូប មិនថាស្រីប្រុស ព្យាយាមថែរក្សាយ៉ាងយកចិត្តដាក់។

យ៉ាងណាមិញ មិនមែនប្រជាប្រុសស្រីក្នុងប្រទេសទេ ដែលគិតពីបញ្ហាមួយនេះ សូម្បីតែកូនខ្មែរ ដែលជាអ្នករស់នៅប្រទេសក្រៅមួយចំនួន ក៏មិនភ្លេចពីសម្លៀកបំពាក់ប្រពៃណី ដែលឆ្លុះបញ្ចាំងពីវប្បធម៌ដ៏ចំណាស់នេះដែរ។

តួយ៉ាង ក្នុងនោះសូម្បីតែ អតីតតារាសម្ដែងស្រីល្បីឈ្មោះអ្នកនាង គឹម លីហ្សា ក៏នៅតែព្យាយាមថែរក្សាសម្លៀកប្រពៃណីទាំងនេះ បើជាទោះបច្ចុប្បន្នអ្នកនាង កំពុងរស់លើដីប្រទេសក្រៅក៏ដោយ។

ជាក់ស្ដែង ថ្មីៗនេះអ្នកនាងក៏បានបង្ហោះរូបភាពក្នុងម៉ូតឈុតបែបនារីខ្មែរ យ៉ាងស្រស់ស្អាត សម្រាប់ទៅវត្ត ដោយបន្ថែមជាមួយពាក្យពេចន៍ដ៏មានន័យថា៖ «រដូវភ្ជុំបិណ្ឌមកដល់ហេីយ​ ទោះដល់ទីណាក៏មិនដែរភ្លេច​ ព្រោះខ្ញុំជាខ្មែរកាន់សាសនាព្រះពុទ្ធ»៕

ចុះប្រិយមិត្តយល់យ៉ាងណាដែរ?

• គឹម លីហ្សា
• តារាខ្មែរ