ប៉ះ Barcelona យប់សែ្អក ខែ្សការពារ Spur ថា មួយជំនិតក៏មិនខ្លាច Messi ផង

អង់គ្លេស៖ ខ្សែការពារឆ្វេងរបស់ក្លិប Tottenham Hotspur កីឡាករ Danny Rose បាននិយាយទៅកាន់សារព័ត៌មាន The Sun បែបនេះថា ក្រុមរបស់គេគ្មានថ្ងៃដែលត្រូវខ្លាចខ្សែប្រយុទ្ធ Lionel Messi នោះទេ។

ប្រធានក្រុមជម្រើសជាតិអាហ្សង់ទីននេះ នឹងត្រូវដឹកនាំក្រុម ធ្វើដំណើរទៅសួរសុខក្រុមម្ចាស់ផ្ទះនៅក្នុងប្រទេសអង់គ្លេស ខណៈខ្សែការពារក្រុមជម្រើសជាតិអង់គ្លេសបានបង្ហើបថា៖ «ខ្ញុំចង់លេងនៅក្នុងការប្រកួតដ៏អស្ចារ្យមួយនេះ។ Messi គឺជាកីឡាករដែលខ្ញុំចូលចិត្ត តែប្រសិនបើខ្ញុំមិនបានលេងវិញក៏ខ្ញុំនៅតែមានអារម្មណ៏រំភើបនឹងមើលគេប្រកួតដែរ»។

អតីតខ្សែការពារក្លិប Watford នេះបានបន្ថែមថា៖ «ពួកយើងនឹងព្យាយាមជំរុញ និងលើកទឹកចិត្តគ្នាឲ្យបានល្អ។ ពួកយើងតែងតែសម្លឹងទៅមុខជានិច្ចសម្រាប់ការប្រកួតនីមួយៗ ហើយនេះក៏ជាឱកាសមួយផងដែរសម្រាប់ក្លិប»។

ជាមួយគ្នានេះដែរ កីឡាករ Danny Rose បាននិយាយសង្កត់ធ្ងន់ថា ក្រុមទាំងមូលនឹងលេងដោយមិនខ្លាចខ្សែប្រយុទ្ធ Messi នោះឡើយ ទោះបីជាគេពិបាកនៅក្នុងការបិទយ៉ាងណាក៏ដោយ ហើយថែមទាំងបញ្ជាក់ថាគេនឹងលេងដោយភាពសុក្រឹតនឹងថ្លៃថ្នូរបំផុត៕

ប្រភព៖ Thesun