ភ្នំពេញ៖ កម្មវិធីប្រកួតសមត្ថភាពទេពកោសល្យលំដាប់ពិភពលោក Cambodia's Got Talant រដូវកាលទី២ វគ្គLive Show សប្តាហ៍ទី១ បានចាប់ផ្តើមដំណើរការហើយ កាលពីយប់មិញនេះ ដោយមានតារាចម្រៀងប្រុសប្រចាំផលិតកម្ម ហង្សមាស លោក ឆន សុវណ្ណារាជ ក៏ត្រូវបានអញ្ជើញមកធ្វើជាគណកម្មាការពិសេសផងដែរ។
ជាការពិតណាស់ កាលយប់មិញនេះគេសង្កេតឃើញថា បេក្ខជននីមួយៗសុទ្ធតែមានសមត្ថភាពពិសេសរៀងៗខ្លួន។ ដោយឡែក ក្រុមដែលបានធ្វើឲ្យទស្សនិកជនដែលកំពុងទស្សនារាប់ម៉ឺននាក់ ក៏ដូចជាគណកម្មាការ រំភើបចិត្ត និងកោតសរសើរបំផុតនោះ គឺក្រុម «The Plugger»។
តាមរយៈការសម្តែងរបស់ក្រុមបុរសមួយនេះ បានឲ្យឃើញថា ពួកគេបានរួមបញ្ចូលគ្នានូវ ការសម្តែងល្ខោនខោល និងការច្រៀងតន្រ្តីសម័យ ដែលពោរពេញទៅដោយអត្ថន័យខ្លឹមសារ រហូតធ្វើឲ្យទស្សនិកជន ដែលទស្សនានៅក្នុងស្ទូឌីយូទាំងមូល ក្រោកឈរទះដៃគ្រប់ៗគ្នា។ មិនតែប៉ុណ្ណោះ ពួកគេថែមទាំងទទួលបាន ប៊ូតុងមាស ពីគណកម្មាការពិសេសលោក ឆន សុវណ្ណារាជ ដោយភាពរីករាយនិងពេញចិត្តបំផុត ថែមទៀតផង៕
ចង់ដឹងយ៉ាងណា ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]