ពេជ្រ ថៃ ក្មេងមែនពិត តែចេះសន្សំលុយ ធ្វើចេតិយ ឲ្យយាយរបស់ខ្លួន

ភ្នំពេញ៖ បើទោះបីការចាកចេញ ម៉ែចាស់ របស់ ពេជ្រ ថៃ ជាការបាត់បង់ដ៏ឈឺចាប់ក៏ពិតមែន តែតារាចម្រៀងវ័យក្មេងដ៏មានប្រជាប្រិយភាពរូបនេះ មិនបានបាក់ទឹកចិត្ត ទេ ផ្ទុយទៅវិញខ្លួន រឹតតែមានកម្លាំងចិត្ត ក្នុងការបន្តដំណើរទៅមុខជានិច្ច ។

ជាក់ស្តែង កាលពីព្រឹកមិញនេះ គេឃើញថាមានការភ្ញាក់ផ្អើលខ្លាំងជាមួយនឹង តារាចម្រៀងខ្លួនតូចសម្លេងធ្ងន់ ពេជ្រ ថៃ បានបង្ហោះរូបភាពមួយ អមជាមួយសារថា៖ «ថ្ងៃទំនេរ ឆ្លៀតចុះមកមើលជាងកំពុងសាងសង់ចេតិយរបស់ម៉ែចាស់ ជិតរួចរាល់ហើយបាទ បងប្អូនពូមីងទាំងអស់គ្នា » ដោយឃើញបែបនេះ មានការភ្ញាក់ផ្អើលយ៉ាងខ្លាំងពីសំណាក់ ហ្វេនដែលជាអ្នកគាំទ្ររបស់ខ្លួន ។

ក្នុងនោះផងដែរ មានបណ្ដាអ្នកគាំទ្ររបស់ខ្លួន បាននិយាយថា៖ «ពិតជាចៅល្អមែន ចេះសន្សំលុយមកធ្វើចេតិយ ឲ្យយាយរបស់ខ្លួន» ទាំងនេះស្ដែងឲ្យឃើញថា ទោះបី ពេជ្រ ថៃ មានការរវល់ខ្លាំងយ៉ាងណាក៏ដោយ ក៏ខ្លួនមិនដែលភ្លេច ការនឹករលឹក ទៅកាន់ម៉ែចាស់ដែរ ៕

• ពេជ្រ ថៃ
• តារាខ្មែរ