ហេតុតែស្រលាញ់ការងារពេក ស្រីនិច ជិះម៉ូតូឌុប ដើម្បីទៅឲ្យទាន់ម៉ោង

ភ្នំពេញ៖ កាលពីមុននេះបន្តិច តារាចម្រៀងស្រីវ័យក្មេងសម្លេងពីរោះ និងជាក្មួយស្រីលោក ខាន់ ជេម កញ្ញា ស្រីនិច បានធ្វើឲ្យគ្រប់គ្នាមានការភ្ញាក់ផ្អើលជាខ្លាំង ក្រោយពេលបានឃើញរូបនាងកំពុងជិះម៉ូតូឌុបមកធ្វើការ ទាំងប្រញាប់ប្រញាល់  ។

ជាក់ស្ដែង តាមរយៈរូបភាព និងអត្ថន័យសារ ដៃគូចម្រៀងនាយ ចឺម រូបនេះ ក៏បានបញ្ជាក់នៅលើបណ្ដាញសង្គមថា «ការងារបន្ទាន់បន្ទាប់ពីចុះពីព្រលាន អរគុណពូម៉ូតូឌុប»។ 

ទាំងនេះគឺជាមូលហេតុ ដែលបណ្ដាលឲ្យរូបនាងត្រូវចាំបាច់ជិះម៉ូតូឌុប ជំនួសឡានព្រោះតែការជិះឡានមានរយៈពេលយូរ ដោយមិនចង់ឲ្យយឺតការងារ ទើបតម្រូវឲ្យនាងត្រូវជ្រើសយកមធ្យោបាយនេះតែម្ដង។

ទង្វើនេះបានធ្វើឲ្យទស្សនិកជន ជាពិសេសមិត្តៗយុវវ័យដែលជាអ្នកគាំទ្រ រួមទាំងមិត្តសិល្បៈរួមអាជីពមួយចំនួន នាំគ្នាកោតសរសើរពីការតស៊ូរបស់នាង។ ជាពិសេសរឹតតែអាចបង្ហាញបានថា ព្រោះតែស្រលាញ់ការងារខ្លាំងពេកទើប ស្រីនិច សុខចិត្តឡើងជិះម៉ូតូឌុប ដើម្បីទៅឲ្យទាន់ម៉ោង៕

• និច តារាចម្រៀង
• តារាខ្មែរ