ធ្លាយរឿង Ronaldo រំលោភនារីអាមេរិកម្នាក់ ប៉ុន្តែគេថាជាការព្រមព្រៀងគ្នាទេ

អុីតាលី៖ តាមការចុះផ្សាយមួយរបស់សារព័ត៌មាននៅក្នុងទីក្រុង Las Vegas អ្នកនាង Kathryn Mayorga ដែលជាជនជាតិអាមេរិកបានចេញមុខជាសាធារណៈដោយបានចោទថាកីឡាករ Cristiano Ronaldo ធ្លាប់ចាប់រំលោភរូបនាងកាលពីឆ្នាំ ២០០៩។

បន្ទាប់ពីទទួលបានដំណឹងនេះភ្លាម ខ្សែប្រយុទ្ធក្លិបសេះបង្កង់ Juventus នេះបានចេញមុខមកបដិសេធនឹងរឿងមួយនេះដោយបាននិយាយថា ការគេងជាមួយគ្នានេះគឺបានព្រមព្រៀងគ្នារួចហើយមិនមែនដូចការចោទប្រកាន់នោះទេ។

អតីតខ្សែប្រយុទ្ធក្លិបបិសាចក្រហម Manchester United នេះបាននិយាយបន្ថែមទៀតថា គេបានបង់ជាប្រាក់សំណងចំនួន ២៨៧ ០០០ផោនទៅឲ្យអ្នកនាង Kathryn ដើម្បីបញ្ចប់រឿងចាប់រំលោភនេះហើយ ប៉ុន្តែពេលនេះមេធាវីរបស់នារីសញ្ជាតិអាមេរិកនេះដែរបាននឹងកំពុងតែដោះស្រាយយ៉ាងមម៉ាញឹកចំពោះបញ្ហាមួយនេះ។

ជាមួយគ្នានេះដែរ រឿងរ៉ាវដ៏កម្រនឹងកើតមានឡើងនេះត្រូវបានទស្សនាវដ្ដីរបស់ប្រទេសអាល្លឺម៉ង់មួយដែលមានឈ្មោះថា Der Spiegel បានយកទៅចុះផ្សាយដែលធ្វើឲ្យខ្សែប្រយុទ្ធជម្រើសជាតិព័រទុយហ្គាល់រូបនេះហាក់មិនសប្បាយចិត្តនោះទេ។ 

ដោយឡែកមេធាវីរបស់កីឡាករ Cristiano Ronaldo វិញក៏កំពុងតែគំរាមប្ដឹងទៅកាន់ទស្សនាវដ្ដីខាងលើនេះផងដែរ ក្រោយពីពួកគេបាននិយាយហាក់បីដូចជាមិនសមរម្យទាល់តែសោះទៅលើកីឡាករឆ្នើមរូបនេះ៕

ប្រភព៖ Thesun