ចិន៖ ក្រុមហ៊ុន Alibaba គ្រោងបង្កើត Robot ជំនួយក្នុងវិស័យបម្រើសេវាកម្មនៅក្នុងសណ្ឋាគារ។
ក្រុមហ៊ុនយក្សនេះ នឹងបង្កើត Robot មួយប្រភេទដែលមានឈ្មោះថា “Space Egg” វាបំពាក់មកជាមួយនឹងប្រាជ្ញាសិប្បនិម្មិត (AI) ដែលមានមុខងាយបម្រើតម្រូវការជូនភ្ញៀវនៅក្នុងសណ្ឌាគារ។
លក្ខណៈពិសេសរបស់វាគឺថា វាអាចយកម្ហូបអាហារ និងបោកសម្លៀកបំពាក់ឲ្យយើងដោយគ្រាន់តែបញ្ជាដោយសម្លេង ដូច្នេះវាពិតឆ្លាតវៃ និងមានប្រសិទ្ធភាពខ្ពស់មែនទែន។
Space Egg មានកម្ពស់ ៣.៣ ហ្វ៊ីត ហើយអាចផ្ទាស់ទីបានក្នុងល្បឿន ២ ម៉ាយក្នុងមួយម៉ោង។
នៅពេលដែលភ្ញៀវបាន order ភេសជ្ជៈ ឬក៏អាហារអ្វីមួយដោយប្រើប្រាស់ការបញ្ជាសម្លេង (voice control) នោះ Robot ទាំងនោះនឹងដំណើរ ហើយយកម្ហូបអាហារឲ្យយើងដោយស័្វយប្រវត្តិ។
Robot នេះប្រើប្រាស់ការរួមបញ្ចូលគ្នានៃឡាស៊ែរ និងរ៉ាដាចាប់សញ្ញា ដើម្បីស្វែងរកទីតាំងនៅក្នុងសណ្ឋាគារនេះដោយស្វ័យប្រវត្តិ ដើម្បីចៀសវាងការប៉ះទង្គិច ឬឧបសគ្គណាមួយ។
លើសពីនេះទៅទៀត Space Egg ក៏បំពាក់បច្ចេកវិទ្យាស្គាល់មុខ (facial recognition) ដើម្បីធានាមិនឲ្យច្រទ្បំអតិថិជន។
ក្រៅពីធ្វើការបញ្ជាដោយប្រើប្រាស់សម្លេង យើងក៏អាចចុចលើអេក្រង់ (touchscreen) និងប្រើប្រាស់កាយវិការដៃ (hand gestures) ក៏បានដែរ។
គួរបញ្ជាក់ផងដែរ ឥទ្បូវនេះ ពួកគេកំពុងធ្វើតេស្តសាកល្បង Robot មួយនេះនៅក្នុងសណ្ឋាគារមួយចំនួន។ នៅពេលដែលការធ្វើតេស្តសាកល្បងនេះត្រូវបានបញ្ចប់ ពួកគេនឹងសម្រេចចិត្តថា តើវាសាកសមប្រើប្រាស់នៅតាមមន្ទីរពេទ្យ ភោជនីយដ្ឋាន និងការិយាល័យនានាដែរឬទេ៕
ចង់ជ្រាបច្បាស់ សូមទស្សនាវីដេអូខាងក្រោមនេះទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
