រាជធានីភ្នំពេញ ៖ កម្លាំងកងរាជអាវុធហត្ថរាជធានីភ្នំពេញ កាលពីថ្ងៃទី១៣ មីនា បានឃាត់ខ្លួនមេការក្លឹបកម្សាន្តយ៉ាំងហ្គើលម្នាក់ពាក់ ព័ន្ធពីបទលួចដោយមានស្ថានទម្ងន់ទោសប្រើអំពើហិង្សាវាយយក សម្ភារ ហើយត្រូវបានតុលាការសម្រេចឃុំខ្លួនបណ្តោះអាសន្ន ។
មេការក្លឹបម្នាក់នោះឈ្មោះ លូ ពៅវ៉ា ហៅទី អាយុ២៣ឆ្នាំ ស្នាក់នៅផ្ទះលេខ៧៧Eoz ផ្លូវលេខ២១៧ សង្កាត់អូរឫស្សីទី៣ ខណ្ឌ៧មករា ។ អង្គហេតុនៃការឃាត់ខ្លួនជនជាប់សង្ស័យខាងលើត្រូវ បានកងរាជអាវុធហត្ថឱ្យដឹងថា កាលពីវេលាម៉ោង១និង៤៥នាទីរំលងអធ្រាត្រឈានចូលថ្ងៃទី១១ មីនា នៅចំណុចមុខផ្ទះលេខ១៥០ ផ្លូវលេខ២១៥ សង្កាត់វាលវង់ ខណ្ឌ៧មករា កើតមានករណីប្លន់វាយយកសម្ភារដែលបង្កឡើងដោយជនសង្ស័យ ចំនួន៣នាក់ ជិះម៉ូតូ១គ្រឿង ប្រដាប់ដោយអាវុធខ្លី១ដើមមិនស្គាល់ម៉ាក បានធ្វើសកម្មភាពភ្ជង់ និងវាយទៅលើជនរងគ្រោះឈ្មោះអ៊ុំ មរកត ហៅស្រីកា អាយុ២៩ឆ្នាំ ជាអ្នកបម្រើការងារនៅក្លឹបកម្សាន្តទន្លេសេកុង ស្នាក់នៅផ្ទះលេខ២១Eo ផ្លូវលេខ១១៨ សង្កាត់ផ្សារដេរប៉ូ៣ ខណ្ឌទួលគោក ដែលកំពុងជិះម៉ូតូ១គ្រឿងម៉ាកអាយខន ពណ៌ទឹកក្រូច ។
អំពើប្លន់នោះត្រូវបាននារីរងគ្រោះប្រាប់ឱ្យ ដឹងថា មុនពេលកើតហេតុខ្លួនបានជិះម៉ូតូជាមួយមិត្តភក្តិស្រី២នាក់ ទៀត គឺឈ្មោះនឿន និងឈ្មោះលាន់ ខណៈពេលដែលពួកខ្លួនជិះមកដល់ចំណុចកើតហេតុក៏ត្រូវជនសង្ស័យ៣ នាក់កៀរឱ្យឈប់រួចអ្នកជិះពីក្រោយបានលោតចុះមកដកកាំភ្លើង ខ្លីវាយក្បាលរបស់ខ្លួន បណ្តាលឱ្យបែកហូរឈាម ហើយទះកំផ្លៀងប្លន់ដោះយកខ្សែ.កលុយកាក់ និងសម្ភារមួយចំនួនទៀត នៅជាប់នឹងខ្លួន ប៉ុន្តែម៉ូតូគេអត់យកទេ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]