អេស្ប៉ាញ៖ គ្រូបង្វឹកក្លិបអ្នកមានបុណ្យ FC Barcelona លោក Ernesto Valverde ជឿជាក់ថា ខ្សែប្រយុទ្ធ Lionel Messi គួរតែកីឡាករម្នាក់ដែលអាចឈ្នះពានរង្វាន់កីឡាករល្អបំផុតរបស់ FIFA មិនមែនខ្សែបម្រើ Luka Modrić របស់ក្រុម Real Madrid នោះទេ។
Modric ត្រូវបានគេបោះឆ្នោតជ្រើសរើសឲ្យក្លាយជាកីឡាករល្អជាងគេប្រចាំឆ្នាំ ២០១៨ កាលពី២ថៃ្ងមុន ខណៈដែលមិនមានឈ្មោះរបស់ប្រធានក្រុមជម្រើសជាតិអាហ្សង់ទីននៅក្នុងបញ្ជីកីឡាករ ៣នាក់ចុងក្រោយនោះទេ ដោយក្នុងនោះគឺមានតែអតីតខ្សែប្រយុទ្ធឆ្នើមរបស់ក្លិប Real Madrid កីឡាករ Cristiano Ronaldo, ខ្សែប្រយុទ្ធរបស់ក្លិប Liverpool កីឡាករ Mohamed Salah និងចុងក្រោយគឺកីឡាករ Modric នេះតែម្តងដែលជាអ្នកឈ្នះនៅក្នុងឆ្នាំនេះ។
ជាមួយគ្នានេះដែរលោក Valverde បានថ្លែងនៅក្នុងសន្និសីទសារព័ត៌មានមុនជំនួបការប្រកួតនៅយប់នេះថា៖ «នេះមិនមែនជាពេលដែលយើងត្រូវធ្វើការប្រៀបធៀបថា តើកីឡាកររូបណាល្អជាងកីឡាកររូបណានោះទេ ប៉ុន្តែសម្រាប់ខ្ញុំ Messi នៅតែជាកីឡាករល្អបំផុតនៅក្នុងលោក ហើយ Modric ក៏ជាកីឡាករល្អម្នាក់ដែរសម្រាប់ឆ្នាំនេះ»។
គួរឲ្យដឹងថា ក្នុងជំនួបជាមួយក្រុម Leganes នៅក្នុងយប់ថ្ងៃពុធ នេះគ្រូបង្វឹកក្លិបអ្នកមានបុណ្យ FC Barcelona ក៏បានបញ្ជាក់ផងដែរថា ក្រុមរបស់លោកនឹងមិនមានវត្តមានរបស់ខ្សែការពារ Clement Lenglet នោះទេ ដោយសារតែគេទទួលបានកាតក្រហមនៅក្នុងការប្រកួតមុនជាមួយក្រុម Girona ៕
ប្រភព៖ REUTERS
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]