ហុងកុង៖ ហុងកុងបើកដំណើរការរថភ្លើងល្បឿនលឿនដំបូងគេបង្អស់តភ្ជាប់ដោយផ្ទាល់ទៅកាន់ប្រទេសចិនដីគោក កាលពីថ្ងៃអាទិត្យ ទី២៣ ខែកញ្ញា កន្លងទៅនេះ។
យោងតាមសារព័ត៌មានបានចិនរាយការណ៍ថា រថភ្លើងទំនើបនេះមានពីរគ្រឿង ពោលគឺ G5736 អាចផ្ទុកអ្នកដំណើរបាន ៥០០ នាក់។ មួយទៀតឈ្មោះ G5711 អាចផ្ទុកអ្នកដំណើរបាន ៦០០ នាក់។
រថភ្លើងទាំងពីរគ្រឿងនេះ អាចរត់បានរហូតដល់ ២០០ គីទ្បូម៉ែត្រក្នុងមួយម៉ោង ដូច្នេះវាពិតជាលឿនខ្លាំងមែនទែន។
គួររម្លឹកផងដែរ នៅពេលបើកសម្ពោធជាផ្លូវការនៅថ្ងៃទីមួយ ពួកគេបានលក់សំបុត្រអស់ ៧១,០០០ សំបុត្រ។
តាមប្រភពដដែលបានបង្ហាញថា ផ្លូវដែកថ្មីដែលពួកគេបានសាងសង់ដើម្បីតភ្ជាប់ទីក្រុងហុងកុងទៅទីក្រុងនានាក្នុងប្រទេសចិន រួមមានទីក្រុងសៀងហៃ និងទីក្រុងប៉េកាំងនោះ បានចំណាយទឹកប្រាក់សរុបអស់ ៨៤,៤ ពាន់លានដុល្លារហុងកុង (ប្រហែល ១០,៨ ពាន់លានដុល្លារអាមេរិក)។
រថភ្លើងថ្មីទាំងពីរនេះត្រូវបានគេរំពឹងថា នឹងអាចជួយបង្កើនពាណិជ្ជកម្មនៅក្នុងទីក្រុងហុងកុង ស៊ិនជិន និងក្វាងចូវឲ្យកាន់តែមានប្រសិទ្ធភាពខ្ពស់ជាងមុនទៀត។
អ្នកដំណើរបានសម្តែងការសប្បាយចិត្តជាមួយនឹងរថភ្លើងថ្មីទាំងពីរនេះជាខ្លាំង ហើយអ្នកខ្លះបាននិយាយថា “វាពិតជាលឿនមែន។ វាដូចជាយើងជិះយន្តហោះអីចឹង។ ឥទ្បូវនេះខ្ញុំអាចធ្វើដំណើរទៅទីក្រុងហុងកុងដោយផ្ទាល់បាន ហើយវាពិតជាល្អប្រសើរខ្លាំងណាស់សម្រាប់មុខជំនួញរបស់ខ្ញុំ៕”
តោះមកទស្សនាវីដេអូខាងក្រោមនេះទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]