ទៅបម្រើគេ បាន៦ថ្ងៃ លួចខោអាវ សំភារៈម្ចាស់ផ្ទះ ត្រូវឃាត់ខ្លួន បញ្ជូនទៅ តុលាការ

ពោធិ៍សាត់ៈស្រី្តម្នាក់ត្រូវបានកម្លាំង នគរបាលស្រុកកណ្តៀង ធ្វើការឃាត់ខ្លួនតាមពាក្យ បណ្តឹងរបស់ម្ចាស់ផ្ទះ កាលពីថ្ងៃទី៣ ខែមករា ឆ្នាំ២០១៣ ខណៈស្ត្រីដែលជាជន សង្ស័យរូបនេះ បានលួចខោអាវម្ចាស់ផ្ទះ ដែលរូបគេ រស់នៅជាមួយបាន រយៈពេល៦ថ្ងៃប៉ុណ្ណោះ ។

ប្រភពពីសមត្ថកិច្ចបានឲ្យដឹងថា ករណីស្ត្រីសង្ស័យនោះ គឺបានលួចយកខោអាវ  របស់ម្ចាស់ផ្ទះប្រហែល ជាមួយការ៉ុង ខណៈដែលម្ចាស់ផ្ទះរវល់រកស៊ីនៅផ្សារពោធិ៍សាត់។

ករណីនេះបានកើតឡើង កាលពីវេលាម៉ោង៧ព្រឹក ថ្ងៃទី៣ ខែមករា ឆ្នាំ២០១៣ ស្ថិតនៅភូមិពោធិ៍កំបោរ ឃុំវាល ស្រុកកណ្តៀង ខេត្តពោធិ៍សាត់។

នាយការិយាល័យនគរបាលព្រហ្មទណ្ឌ កម្រិតស្រាលខេត្តពោធិ៍សាត់ បានឲ្យដឹងថា ស្រី្តសង្ស័យដែលសមត្ថកិច្ច ឃាត់ខ្លួននេះមានឈ្មោះ សួង ភាព ភេទស្រី អាយុ៣៧ឆ្នាំ ជនជាតិខ្មែរ រស់នៅភូមិត្រពាំងជង ឃុំត្រពាំងជន ស្រុកបាកាង ខេត្តពោធិ៍សាត់ (បច្ចុប្បន្នមកស្នាក់នៅស៊ីស្នួលម្ចាស់ផ្ទះជនរងគ្រោះ)។

លោកបន្តទៀតថា យោងតាមចម្លើយសារភាពរបស់ស្ត្រីសង្ស័យ និងវត្ថុតាង និងពាក្យបណ្តឹងរបស់ម្ចាស់ផ្ទះ ស្រ្តីសង្ស័យ៧យរូបនេះនឹងត្រូវបញ្ជូនទៅ កាន់សាលាដំបូងខេត្តពោធិ៍សាត់ ដើម្បីចាត់ការបន្ត៕

ដោយៈ ដើមអម្ពិល

ផ្តល់សិទ្ធដោយ ដើមអម្ពិល