ប៉ុន្មានម៉ាត់របស់ ខេមរៈ សិរីមន្ត បើប្រពន្ធលោក បានឃើញ នឹងរំភើបចិត្តខ្លាំង!

ភ្នំពេញ៖ ជាការពិតណាស់មួយរយៈចុងក្រោយនេះ គេសង្កេតឃើញថា ជីវិតគ្រួសារឯកជនរបស់កំពូលតារាចម្រៀងសម្លេងធ្ងន់លោក ខេមរៈ សិរីមន្ត កាន់តែប្រកាសខ្លាំងឡើង ពីមួយថ្ងៃទៅមួយថ្ងៃ ផ្ទុយស្រឡះកាលពីគ្រាមុន ដែលលោកព្យាយាមលាក់បាំងមិនឲ្យមហាជនដឹងឡើយ។

ជាក់ស្ដែង អ្វីដែលប្លែក និងគួរឲ្យចាប់អារម្មណ៍នោះ មុននេះបន្តិចម្ចាស់បទ «ខ្ញុំលែងត្រូវការស្នេហា» រូបនេះ ស្រាប់តែឆ្លៀតទម្លាយពាក្យប៉ុន្មានម៉ាត់ជូន ចំពោះភរិយាជាទីស្រលាញ់របស់ខ្លួន ដែលធ្វើឲ្យផ្អើលអស់អ្នកលេងបណ្ដាញសង្គម ជាមួយពាក្យពេចន៍ បង្កប់ដោយរយលានអត្ថន័យ ដោយក្នុងនោះលោកបានរៀបរាប់ថា៖

«បងជាប្តីធម្មតាៗម្នាក់ប៉ុណ្ណោះ អូនទើបជាភរិយាដ៏ល្អ តាំងពីពួកយើងស្រលាញ់គ្នាមកអូនមិនដែលចង់បានអ្វីពីបងឡើយ អូនថាសុំត្រឹមមានបងក្បែរនឹងស្រលាញ់អូន គឺគ្រប់គ្រាន់ហើយ សម្រាប់អូន បងមានសំណាងណាស់ដែលមានអូនជាភរិយា »។

សារខ្លីមួយនេះ កំពុងធ្វើឲ្យគ្រប់គ្នា ជាពិសេសភរិយារបស់លោក រំភើបចិត្ត រហូតអាចសឹងតែស្រក់ទឹកភ្នែកក៏ថាបាន  ព្រោះរាល់សម្ដីដែលលោកបានថ្លែង ពិតជាផ្អែមល្ហែមខ្លាំងមែនទែន ។ ជាងនេះទៀតនោះ គ្រប់ពាក្យទាំងអស់ រឹតតែបានបញ្ជាក់ឲ្យ ប្រិយមិត្តទស្សនិកជន កាន់តែដឹងច្បាស់ ពីទំហំចិត្តនៃការស្រលាញ់យ៉ាងទំហឹង ដែលលោកមានសម្រាប់គ្រួសារនេះផងដែរ៕

• ខេមរៈ​ សិរីមន្ត
• តារាអន្តរជាតិ