BTS បង្កើតប្រវត្តិសាស្រ្តជាក្រុម K-Pop លើកដំបូងដែលនិយាយទៅកាន់អង្គការសហប្រជាជាតិអំពីយុទ្ធនាការ 'ស្រឡាញ់ខ្លួនឯង' (មានវីដេអូ)

អាមេរិក៖ សមាជិក BTS របស់ក្រុមចម្រៀង K-pop បានទៅកាន់ការិយាល័យកណ្តាលរបស់អង្គការសហប្រជាជាតិ ក្នុងទីក្រុងញូវយ៉ក កាលពីថ្ងៃច័ន្ទ ទី ២៤ ខែកញ្ញា កន្លងទៅនេះ ដើម្បីនិយាយអំពីយុទ្ធនាការ "ស្រឡាញ់ខ្លួនឯង" របស់ពួកគេ ក្នុងការគាំទ្រគំនិតផ្តួចផ្តើមយុវវ័យរបស់អង្គការយូនីសេហ្វដែលមានឈ្មោះថា "Generation Unlimited"។ 

យោងតាមសារព័ត៌មានបរទេសមួយបានរាយការណ៍ថា ភាពជាដៃគូរបស់យូនីសេហ្វនឹងផ្តល់ការអប់រំ និងការបណ្តុះបណ្តាលដ៏ល្អ ដល់យុវជនរាប់លាននាក់ទូទាំងពិភពលោកនៅត្រឹមឆ្នាំ ២០៣០។

លោក Kim Nam-joon ដែលមានរហស្សនាមថា RM បានថ្លែងសុន្ទរកថានៅមហាសន្និបាតលើកទី ៧៣ ថា "BTS បានក្លាយទៅជាសិល្បករដែលសម្តែងនៅក្នុងពហុកីឡាដ្ឋានដ៏ធំ និងលក់អាល់ប៊ុមបានរាប់លាន ប៉ុន្តែខ្ញុំនៅតែជាមនុស្សធម្មតាម្នាក់ដែលមានវ័យ ២៤ ឆ្នាំប៉ុណ្ណោះ។ ប្រហែលជាខ្ញុំបានធ្វើខុសកាលពីម្សិលមិញ ប៉ុន្តែកាលពីម្សិលមិញខ្ញុំនៅតែជាខ្ញុំ ហើយកំហុសទាំងនោះបានធ្វើឲ្យខ្ញុំរឹងមាំដូចសព្វថ្ងៃនេះ។"

BTS ដែលជាក្រុម K-Pop ដំបូងគេបង្អស់ដែលនិយាយទៅកាន់អង្គការសហប្រជាជាតិ បានលើកទឹកចិត្តដល់យុវជនក្មេងៗទាំងអស់ ឱ្យប្រើសម្លេងរបស់ពួកគេដើម្បីនិយាយអំពីបញ្ហាពិភពលោក។

លោក RM បានបន្តថ្លែងថា "ចូរយើងទាំងអស់គ្នាបោះមួយជំហានទៀត។ យើងបានរៀនចេះស្រឡាញ់ខ្លួនឯង ដូច្នេះខ្ញុំលើកទឹកចិត្តឲ្យអ្នករាល់គ្នា និយាយដោយខ្លួនឯង។ មិនថា អ្នកជានរណា មកពីណា មានពណ៌សម្បុរអ្វី ឬភេទអ្វី សូមនិយាយដោយខ្លួនអ្នកផ្ទាល់ ស្វែងរកឈ្មោះរបស់អ្នក ហើយស្វែងរកសម្លេងរបស់អ្នក ដោយនិយាយដោយខ្លួនអ្នកផ្ទាល់។" 

ចង់ជ្រាបច្បាស់ សូមទស្សនាវីដេអូខាងក្រោមនេះទាំងអស់គ្នា៖

ខាងក្រោមនេះគឺជា Fan របស់ BTS បានបង្ហោះសារគាំទ្រនៅលើគណនី Twitter របស់ខ្លួន៖

• យុវវ័យ
• ជំរុញទឹកចិត្ត
• វីដេអូ
• តារាកូរ៉េ