អេស្ប៉ាញ៖ ខែ្សប្រយុទ្ធឆ្នើម Cristiano Ronaldo ត្រូវបានអាជ្ញាកណ្ដាលពិន័យកាតក្រហម ក្នុងជំនួបដែលក្រុម Juventus យកឈ្នះក្រុមម្ចាស់ផ្ទះ Valencia ក្នុងលទ្ធផល ២-០ កាលពីយប់មិញ។
លោកអាជ្ញាកណ្ដាលសញ្ជាតិអាល្លឺម៉ង់ Felix Brych បានសម្រេចពិន័យកាតក្រហមដល់កីឡាករវ័យ៣៣ឆ្នាំនេះ ក្រោយពីរូបគេទៅប៉ះក្បាលកីឡាកររបស់ក្រុម Valencia នៅក្នុងតង់ទី១ ដែលធើ្វឲ្យប្រិយមិត្ដជាច្រើនមានការហួសចិត្ដទៅនឹងការសម្រេចចិត្ដរបស់អាជ្ញាកណ្ដាល។
នៅក្នុងច្បាប់របស់ UEFA ការពិន័យកាតក្រហមតែម្ដងនេះ គឺនឹងត្រូវពិន័យរយៈពេល២ប្រកួត ប៉ុន្ដែបើតាមថ្នាក់ដឹកនាំ Juventus ពួកគេនឹងធើ្វការប្ដឹងតវ៉ាជុំវិញការពិន័យមួយនេះ។
បើការតវ៉ាគ្មានប្រសិទ្ធិភាពនោះ ប្រធានក្រុមជម្រើសជាតិព័រទុយហ្គាល់ នឹងត្រូវអវត្ដមានជំនួប Champions League ពេល Juventus ប៉ះ Young Boy ក្នុងដី និងប៉ះក្រុមបិសាចក្រហម Manchester United ក្រៅដី។
សូមបញ្ជាក់ថា នេះគឺជាការពិន័យកាតក្រហមលើកដំបូងដែល Ronaldo ទទួលបានក្នុងពានរង្វាន់ Champions League ប៉ុន្ដែបើគិតជារួម នេះមិនមែនជាកាតក្រហមដំបូងដែលប្រធានក្រុមជម្រើសជាតិព័រទុយហ្គាល់ បានទទួលនោះទេ តែវាគឺជាលើកទី១១ហើយ ក្នុងអាជីពរបស់គេដែលបានទទួលកាតក្រហម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
