រាជធានីភ្នំពេញ ៖ តារាសម្តែងដែលកំពុងតែមានប្រជាប្រិយភាពខ្ពស់គួរសម និងមានទេពកោសល្យល្អ រួមទាំងរូបសម្បត្តិស្រស់សោភាមិនចាញ់តារាសិចស៊ីផ្សេងៗទៀតនោះ គឺកញ្ញា ដុច លីដា។ ពេលនេះនាងលីដា រងពាក្យចចាមអារ៉ាមមួយថា មានមន្ត្រីធំម្នាក់ជួយឧបត្ថម្ភដល់រូបនាង ខណៈពេលដែលនាងមានតែម្តាយ និងបងប្រុសប៉ុណ្ណោះ ឯឪពុកបានចែកឋានទៅហើយ។
ស្រីតូចច្រឡឹងរូបនេះច្រានចោលពាក្យចចាមអារ៉ាមនោះ ដោយនាងបកស្រាយប្រាប់ភ្នាក់ងាររបស់យើងថា «ខ្ញុំមិនមានអ្នកឧបត្ថម្ភ ឬក៏ចិញ្ចឹមអ្វីនោះទេ នេះគ្រាន់តែជាពាក្យចចាអារ៉ាមប៉ុណ្ណោះ» ។
កញ្ញាដុច លីដា បានចូលប្រឡូកក្នុងវិស័យសិល្បៈតាំងពី អាយុ១៧ឆ្នាំ មកម៉្លេះ ដែលពេលនេះនាងបានប្រឡូកអស់រយៈពេលជាង៣ឆ្នាំមកហើយ ។ លីដា ត្រូវបានគេទទួលស្គាល់តាមរយៈការថតស្ប៉តពាណិជ្ជកម្មមួយចំនួនដូចជា ស្ប៉ត Hello កាហ្វេ ទឹកផ្លែឈើ ឡេថែរក្សាស្បែក និងស្ប៉តជាច្រើនទៀត ។ មិនត្រឹមតែប៉ុណ្ណោះ ថ្មីៗនេះនាងកំពុងតែទទួលបានការគាំទ្រយ៉ាងច្រើន បន្ទាប់ពីសម្តែងកាយវិការខារ៉ាអូខេជាមួយលោកខេមរៈ សិរីមន្ត រួចមក គឺបទ «ពេលអូនមានអ្នកថ្មីបងធ្វើអ្វីក៏ខុស» ដែលបទនេះកំពុងពេញនិយមបំផុតសម្រាប់មិត្តយុវវ័យ ។
គេសង្កេតឃើញថា គ្រប់បទចម្រៀងនីមួយៗលីដា ដើរតួជាស្រីសាវា និងឆ្នាសបំផុត ប៉ុន្តែធាតុពិតរបស់នាង គឺជានារីស្លូតបូត សុភាពរាបសា និយាយស្តីទន់ភ្លន់ មិនដូចជាពេលសម្តែងទេ។ ឃើញតាមរយៈការសម្តែងអ្នកទស្សនាគិតថា នាងប្រហែលជាកាចឆ្នាសណាស់ហើយ តែធាតុពិតគឺផ្ទុយស្រឡះ។
ពេលកញ្ញាដុច លីដា កំពុងថតរឿងចំនួន២ គឺមេឃមួយ ចន្ទពីរ របស់ផលិតកម្ម SSB សម្រាប់ចាក់ផ្សាយឱ្យស្ថានីយប៉ុស្តិ៍ទូរទស្សន៍អាស៊ីអាគ្នេយ៍ និងរឿងព្យុះស្នេហ៍សេសាន សម្រាប់ផលិតកម្មកូនខ្មែរដោយនាងសម្តែងជាមួយកំលោះសង្ហា សាន វិសាល ។ ក្នុងរឿងទាំងពីរនេះលីដា សម្តែងជាតួឯក ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
