ស្ដោះទឹកមាត់ថៃ្ងមុន Costa ប្រឈមអត់បានចូលលេងរយៈពេលវែង

អ៊ីតាលី៖ គ្រូបង្វឹករបស់ក្លិបសេះបង្កង់ Juventus លោក Max Allegri និយាយថា កីឡាករ Douglas Costa នឹងត្រូវពិន័យមិនឲ្យចូលលេងរយៈពេលវែង ក្រោយបង្ហាញនូវកាយវិការមិនអាចទទួលយកដាក់កីឡាកររបស់ក្រុម Sassuolo កាលពីថៃ្ងអាទិត្យកន្លងទៅ។ 

អតីតគ្រូបង្វឹកក្រុមជម្រើសជាតិអ៊ីតាលី បាននិយាយថា៖ «វាជារឿងត្រឹមត្រូវដែល Costa ត្រូវទទួលការពិន័យ។ ខ្ញុំមានការភ្ញាក់ផ្អើលណាស់ចំពោះប្រតិកម្មរបស់គេនៅពេលនោះ។ យើងឲ្យ Sassuolo ស៊ុតចូលមួយគ្រាប់ បានកាតក្រហម ហើយ Costa នឹងទទួលការពិន័យរយៈពេលវែង»។

គិតត្រឹមពេលនេះ Costa ត្រូវបានពិន័យ ៣ប្រកួតដោយស័្វយប្រវត្ដបន្ទាប់ពីទទួលបានកាតក្រហម ក្រោយស្ដោះទឹកមាត់ និងទង្គិចក្បាលទៅលើកីឡាកររបស់ Sassuolo ប៉ុន្ដែការពិន័យអាចនឹងមានការកើនឡើងរយៈពេលវែងជាងនេះទៀត។

សូមបញ្ជាក់ថា ករណីនេះក៏ធ្លាប់កើតមានឡើងក្នុងលីកកំពូលអង់គ្លេសដែរ ពោលគឺក្នុងឆ្នាំ២០១៥ ដែលពេលនោះសហព័ន្ធកីឡាបាល់ទាត់អង់គ្លេស សម្រេចពិន័យអតីតខែ្សប្រយុទ្ធរបស់ក្រុម Newcastle កីឡាករ Papiss Cisse និងអតីតខែ្សការពារ Man Utd កីឡាករ Johnny Evans មិនអនុញ្ញាតឲ្យចូលលេងពី ៦ទៅ៧ប្រកួត ក្រោយសោ្ដះទឹកមាត់ទៅលើដៃគូប្រកួត៕