ឃើញមាឌតូចពិតមែន! តែនាយក្រិន តែងធ្វើជាលោកប៉ាល្អ និងប្តីល្អសម្រាប់គ្រួសារ

ភ្នំពេញ៖ ពីមួយថ្ងៃទៅមួយថ្ងៃ តារាកំប្លែងមាឌតូច នាយក្រិន ក៏កាន់តែមានភាពមមាញឹកខ្លាំងនៅក្នុងការងារសិល្បៈ ស្របពេលដែលសុភមង្គលនៅក្នុងគ្រួសាររបស់លោកកាន់តែមាន ភាពផ្អែមល្ហែមនឹងគ្នាខ្លាំងឡើង។

ជាក់ស្តែង កាលពីពេលថ្មីៗនេះដែរ តារាកំប្លែងដ៏មានប្រជាប្រិយភាពរូបនេះ ទើបតែទទួលបានសមាជិកថ្មីនៅក្នុងគ្រួសារ ដែលជាកូនទី៣របស់លោក ជាមួយគ្នានេះក៏មានអ្នកលេងបណ្តាញសង្គម និងអ្នកគាំទ្រលោកជាច្រើន ក៏បាននាំគ្នាចូលរួមអបអរសាទរដល់លោកគ្រប់គ្នា។

ដោយឡែក បើយើងងាកទៅមើលជីវិតនៅក្នុងគ្រួសារដ៏មានសុភមង្គលរបស់លោកវិញ ឃើញថាតារារូបនេះតែងតែនៅផ្តល់នូវសុភមង្គល និងភាពកក់ក្តៅឲ្យកូនៗជាទីស្រលាញ់ ក៏ដូចជាភរិយាជានិច្ច។ ជាពិសេសរាល់ពេលដែរ លោកទំនេរពីការងារ តារារូបនេះក៏បាននាំប្រពន្ធកូនដើរលេង ញុំាអាហារនៅក្រៅ ដែលពោរពេញដោយសុភមង្គលខ្លាំង។

ទន្ទឹមនឹងនេះផងដែរ ធ្វើឲ្យមហាជនជាច្រើនមិនសរសើរមិនបាន ដែលទោះបីជាមាឌតូច មិនដូចលោកប៉ា និងស្វាមី អ្នកដទៃយ៉ាងណាក្តី លោកក៏ជួយសម្រាលការងារមើលកូន ថែមទាំងផ្តល់សុភមង្គលឲ្យគ្រួសារបានយ៉ាងល្អ៕

សូមទស្សនារូបភាពខាងក្រោមនេះ៖ 

• នាយ ក្រិន
• តារាខ្មែរ