នៅចាំបេក្ខភាព ខុន សុជាតា ប្រលងសប្តាហ៍មុនទេ? ទើបអាយុ១២ឆ្នាំ ច្រៀងនៅក្រៅពីរោះម្លឹងៗ (មានវីដេអូ)

ភ្នំពេញ៖ ប្រិយមិត្តជាច្រើនដែលបានតាមដាន កម្មវិធីប្រលងចម្រៀងកុមារលំដាប់ថ្នាក់ពិភពលោក The Voice Kids រដូវកាលទី១ កាលពីសប្តាហ៍ទី៤ ប្រាកដជាបានស្គាល់ប្អូនស្រី ខុន សុជាតា ដែលបានសម្រេចចិត្តទៅក្នុងក្រុមកញ្ញា សុគន្ធកញ្ញា។

កាលពីប្រលងសប្តាហ៍មុន ក្មេងស្រីរូបនេះ បានឡើងបកស្រាយនូវបទ«Perfect» ដែលជាបទភាសាអង់គ្លេស ជាមួយគ្នានេះដែរ អ្នកទស្សនាជាច្រើនបានកោតសរសើរដល់ប្អូនគ្រប់គ្នា ព្រោះថាទើបតែមានអាយុ១២ឆ្នាំ តែមានទឹកដមសម្លេងពីរោះខ្លាំង រហូតទាក់ចិត្តCoach ទាំង៣រូបឲ្យចុចប៊ូតុងយក។

ជាក់ស្តែង កាលពីពេលថ្មីៗនេះដែរ ក្មេងស្រីរូបនេះ ក៏បានបញ្ចេញវីដេអូច្រៀងលេង ដែលលើកឡើងជាមួយនឹងបទដដែល និងបទជាភាសាអង់គ្លេសជាច្រើនទៀត មកឲ្យមិត្តនៅក្នុងបណ្តាញសង្គមស្តាប់ ខណៈពេលដែលសម្លេងនៅក្រៅរបស់ប្អូនក៏ពីរោះខ្លាំងមិនចាញ់ពេលប្រលងប៉ុន្មាននោះទេ។

ក្រោយពីបានស្តាប់នូវសម្លេងរបស់បេក្ខភាពវ័យក្មេង មានរូបសម្រស់ស្រស់ស្អាតរូបនេះភ្លាមបានធ្វើឲ្យអ្នកស្តាប់ជាច្រើន បាននាំគ្នាសរសើរដល់ប្អូនស្រីគ្រប់គ្នា លើសពីនេះទៅទៀត ក៏មានការស៊ែរតៗគ្នា ពេញបណ្តាញសង្គមតែម្តង៕

ចង់ជ្រាបច្បាស់ ថានាងមានសម្លេងពីរោះប៉ុណ្ណានោះ សូមទស្សនាវីដេអូខាងក្រោមនេះ៖ 

• វីដេអូ
• តារាខ្មែរ