ស្នាមញញឹមជាថ្មី ទីបំផុតគ្រូបង្ហាត់ឆ្កែដែលត្រូវចិនបុកថ្ងៃមុន មានអាការធូរស្រាលច្រើន និងអាចនិយាយបានធម្មតាហើយ! (មានវីដេអូ)

ភ្នំពេញ៖ ដូចដែលប្រិយមិត្តបានជ្រាប ដោយកាលពីមួយរយៈមុននេះ លោក ហ៊ិន រតនា ដែលជាគ្រូបង្វឹកឆ្កែកម្ពុជាល្បីឈ្មោះ ដល់ឆាកអន្តរជាតិ បានជួបគ្រោះថ្នាក់ចរាចរណ៍យ៉ាងធ្ងន់ធ្ងរ បង្កឡើងដោយជនជាតិចិនបើកកិន មកលើរូបលោកមួយទំហឹងគ្មានប្រណី រហូតសឹងតែធ្វើឲ្យលោកបាត់បង់ជីវិត ដោយសារបាក់ឆ្អឹងជាច្រើនកន្លែង ថែមទាំងខ្ទាំគ្រឿងក្នុងមួយចំនួនថែមទៀតផង។

យ៉ាងណាមិញ មកទល់ពេលនេះ រយៈពេលមួយសប្តាហ៍ហើយ ដែលលោក ហ៊ិន រតនា ត្រូវបានក្រុមគ្រួសារបញ្ជូនលោក ទៅព្យាបាលនៅឯពេទ្យជំនាញប្រចាំប្រទេសថៃ ហើយក្នុងនោះ គេក៏សង្កេតឃើញថា អាការរបស់លោកពិតជាបានធូរស្បើយច្រើន គួរឲ្យភ្ញាក់ផ្អើលតែម្តង។

ជាការពិតណាស់ នេះបើយោងតាមវីដេអូខាងក្រោមនេះ បានឲ្យដឹងថា លោក ហ៊ិន រតនា អាចនិយាយបានជាធម្មតាវិញហើយ។ ហើយលោកក៏មានអារម្មណ៍រំភើបចិត្តជាខ្លាំង និងសឹងតែមិនជឿថាខ្លួនអាចរស់រានមានជីវិតបន្តទៅទៀតបានផងដែរ។ មិនថាយ៉ាងណា បច្ចុប្បន្ននេះ លោក ហ៊ិន រតនា ក៏បានអនុវត្តន៍បន្តនូវជំហានបន្ទាប់ គឺលោកត្រូវតស៊ូក្នុងការរៀនឈរ និងរៀនដើរជាថ្មីឡើងវិញផងដែរ។

មិនតែប៉ុណ្ណោះ ប្រិយមិត្តគាំទ្រជាច្រើន ក៏បានផ្ញើរសារលើកទឹកចិត្តដល់លោក ហ៊ិន រតនាពីចម្ងាយ និងជូនពរឲ្យលោកឆាប់ជាសះស្បើយក្នុងពេលឆាប់ៗខាងមុខនេះផងដែរ៕

• គ្រោះថ្នាក់ចរាចរណ៍