តៃវ៉ាន់៖ អាចនិយាយបានថា ពេលនេះមហាជននៅលើបណ្តាញសង្គមកំពុងតែមានការចាប់អារម្មណ៍ទៅលើ Peter ដែលជាក្មេងប្រុសជនជាតិតៃវ៉ាន់ម្នាក់ និងមានមុខមាត់ស្រស់សង្ហាមែនទែន ក្នុងវ័យទើបតែ ១៣ ឆ្នាំប៉ុណ្ណោះ។
ជាក់ស្តែងនៅលើអ៊ីនស្តារក្រាមមួយមានឈ្មោះថា ajiantw បានបង្ហោះនូវរូបភាពជាច្រើនសន្លឹកបង្ហាញពីជីវិតប្រចាំថ្ងៃរបស់ក្មេងប្រុស Peter និងក្រុមគ្រួសាររបស់គេ ដែលអាចឱ្យអ្នកលេងបណ្តាញសង្គមបានគយគន់ពីសម្រស់របស់ Peter មិនជិនណាយ។
ឃើញហើយ ក៏មានអ្នកលេងបណ្តាញសង្គមជាច្រើនបានលាន់មាត់ថា អាយុត្រឹមតែ ១៣ ឆ្នាំសោះ តែ Peter មានសម្រស់ស្រស់សង្ហាដល់ម្លឹង ជាពិសេសនោះគឺច្រមុះ របស់គេគឺខ្ពស់ខ្លាំងតាំងពីកំណើតមកតែម្តង។
ហើយមិនត្រឹមតែមានមុខមាត់ស្អាតបាទដូច្នេះនោះទេ Peter ក៏ជាក្មេងប្រុសម្នាក់ដែលមានចិត្តស្រលាញ់វិស័យសិល្បៈយ៉ាងខ្លាំង។ ជាក់ស្តែងគេមានទេពកោសល្យសិល្បៈយ៉ាងល្អដូចជា អាចលេងព្យាណូ និងវីយូឡុងបានយ៉ាងស្ទាត់ជំនាញផងដែរ។
ចំណែកឯខាងវិស័យកីឡាវិញ Peter ក៏មានជំនាញហែលទឹកបានយ៉ាងល្អដែរ ជាហេតុធ្វើឱ្យរាងកាយរបស់គេមានសុខភាពល្អ និងមានកម្ពស់កាន់តែខ្ពស់ឡើងៗពីមួយថ្ងៃទៅមួយថ្ងៃផងដែរ។
សង្ហា ហើយមានសមត្ថភាពបែបនេះ ធំឡើងពិតជាក្លាយទៅជាតារាប្រុសមួយរូប ដែលមានភាពល្បីល្បាញក្នុងសង្គមសិល្បៈជាក់ជាមិនខាន៕
តោះមកមើលរូបភាពច្រើនសន្លឹក បង្ហាញពីសម្រស់ស្រស់សង្ហារបស់ Peter ទាំងអស់គ្នាដូចខាងក្រោមនេះ ក្នុងវ័យ ១៣ ឆ្នាំ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]