ខេត្តកំពត ៖ ហេតុការណ៍គ្រោះថ្នាក់ចរាចរណ៍គួរឱ្យរន្ធត់មួយបានកើតឡើងនៅចំណុចគល់ស្ពានព្រែកកំពង់បាយ ត្រើយខាងកើត បង្កឡើងដោយរថយន្តវីហ្គោ និងម៉ូតូម៉ាកឌ្រីមសេ១២៥ ពណ៌ខ្មៅ ស៊េរី២០១០ បានបុកគ្នាយ៉ាងពេញទំហឹងលាន់ស្នូរដូចរន្ទះ បណ្តាលឱ្យភាគីខាងម៉ូតូស្លាប់ភ្លាមៗនៅនឹងកន្លែង រីឯម៉ូតូរងការខូចខាតទាំងក្រុង កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី១៥ មីនា ២០១២ ស្ថិតក្នុងភូមិកំពង់បាយ សង្កាត់កំពង់បាយ ក្រុងកំពត ។
តាមសម្តីនគរបាលចរាចរក្រុងបានឱ្យដឹងថា មុនពេលកើតហេតុម៉ូតូម៉ាកឌ្រីមសេ១២៥ ពណ៌ខ្មៅ បើកបរដោយឈ្មោះគឹម សាន ភេទប្រុស អាយុ២៧ឆ្នាំ មានទីលំនៅភូមិស្វាយធំ ឃុំត្រពាំងធំ ស្រុកទឹកឈូ ពីកើតទៅលិចបម្រុងឆ្លងស្ពានព្រែកកំពង់បាយ។ លុះមកដល់គល់ស្ពាន ស្រាប់តែមានរថយន្តវីហ្គោមួយគ្រឿងបើកបញ្ច្រាសទិសគ្នាមិនដឹងជាយ៉ាងម៉េចក៏រេចង្កូតមកខាងឆ្វេងដៃ បណ្តាលឱ្យបុកម៉ូតូដែលកំពុងបើកឡើងចំណោទពេញទំហឹងតែម្តង៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
