ជាតារាចម្រៀង ឬតារាម៉ូដែលឲ្យប្រាកដ? គ្រប់ជំហានរបស់ Blackpink ធ្វើឲ្យគ្រប់គ្នា សម្លឹងមិនដាក់ភ្នែក

កូរ៉េខាងត្បូង៖ បច្ចុប្បន្នក្រុមចម្រៀងនារីល្បីឈ្មោះ Blackpink កំពុងទទួលបានការចាប់អារម្មណ៍យ៉ាងខ្លាំងពីសំណាក់មហាជន ទៅលើម៉ូតសម្លៀកបំពាក់ល្អដាច់គេ រាល់ពេលដែលពួកគេធ្វើដំណើរឡើងយន្តហោះម្តងៗ។

ជាការពិតណាស់ បើទោះបីជាក្រុមBlackpink មិនសូវជាធ្វើដំណើរទៅក្រៅប្រទេសញឹកញាប់ដូចជាតារាដទៃ ប៉ុន្តែរាល់ពេលដែលពួកគេបង្ហាញខ្លួននៅព្រលានយន្តហោះម្តងៗ ក៏បានបង្កការភ្ញាក់ផ្អើលយ៉ាងណាខ្លាំង ទាក់ទាញ់រាល់ក្រសែភ្នែកមហាជន ជាមួយនឹងរូបសម្រស់ដ៏ស្រស់ស្អាត បូករួមនឹងការតុបតែងខ្លួនបែបទាន់សម័យ ឆក់យកដួងចិត្តយុវវ័យ។

ហើយអ្វីដែលជាពិសេសជាងនេះទៅទៀតនោះ គឺរូបរាងនិងដំណើរដើររបស់ Blackpink គឺប្រៀបបីដូចជាតារាបង្ហាញម៉ូតអាជីព រហូតមានពេលខ្លះក៏ធ្វើឲ្យអ្នកគាំទ្រជាច្រើនយល់ច្រឡំ ដោយមិនប្រាកដថាស្រីស្រស់ទាំង៤នេះ គឺជាតារាចម្រៀង ឬក៏ជាតារាបង្ហាញម៉ូតឲ្យប្រាកដ ក៏ព្រោះតែពួកគេពិតជាសាកសមឥតខ្ចោះ សឹងតែគ្រប់ម៉ូតសម្លៀកបំពាក់តែម្តង៕

• ម៉ូត
• តារាកូរ៉េ