Elon Musk គ្រោងបង្កើតទ្បានក្រោមដី សម្រាប់ជំនួយដល់មធ្យោបាយធ្វើដំណើរសាធារណៈ (មានវីដេអូ)

បរទេស៖ មធ្យោបាយធ្វើដំណើរសាធារណៈគឺជារឿងដ៏សំខាន់សម្រាប់មនុស្សគ្រប់គ្នានៅក្នុងពិភពលោកនេះ។ វាជួយសម្រួលដល់ការធ្វើដំណើររបស់យើងទាំងអស់គ្នាប្រកបដោយប្រសិទ្ធភាព ចំណាយតិច រហ័ស និងជាពិសេសកាត់បន្ថយការកក់ស្ទះចរាចរណ៍។ យើងសង្កើតឃើញថា មធ្យោយបាយធ្វើដំណើរសាធារណៈមានការអភិវឌ្ឍន៍ច្រើនទម្រង់ពោលគឺមានដូចជា ការធ្វើដំណើរតាមទ្បានក្រុងសាធារណៈ និងរថភ្លើង ។ល។ ដូចនេះហើយបានជា លោក Elon Musk មានចក្ខុវិស័យចង់បង្កើតការធ្វើដំណើរប្រកបដោយប្រសិទ្ធភាពខ្ពស់នាពេលអនាគតបន្ថែមជាងនេះទៀត។

លោក Musk គ្រោងបង្កើតទ្បានក្រោមដីមួយសម្រាប់ជំនួយដល់មធ្យោបាយធ្វើដំណើរសាធារណៈនាពេលអនាគត ហើយគាត់បានដាក់ឈ្មោះទ្បានក្រោមដីនោះថា “Urban Loop System” ។

បើនិយាយអំពីរូបរាងវាវិញ វាស្រដៀងគ្នាទៅនឹងរថយន្តនៅក្នុងរឿង Tron ដែរ។ អ្នកធ្វើដំណើរអាចទ្បើងជិះវានៅចំណតជាក់លាក់ណាមួយដែលបានកំណត់ ហើយវានឹងចេញដំណើរចុះទៅក្រោមដី រួចឆ្ពោះទៅទីតាំងចំណតណាមួយផ្សេងទៀត ជាមួយល្បឿនដ៏លឿនរហូតដល់ ២០១គីឡូម៉ែត្រក្នុងមួយម៉ោង។

គួរបញ្ជាក់ផងដែរ សម្រាប់ជំហានដំបូងលោកគ្រោងដាក់ដំណើរការទ្បានក្រោមដីនេះចំនួន ១ ០០០ គ្រឿងជាមុនសិន ធ្វើដំណើររត់កាត់ជុំវិញទីក្រុងដែលប្រព័ន្ធក្រោមដីត្រូវបានកំណត់ ហើយសង្ឃឹមថាពួកយើងទាំងអស់គ្នានឹងបានឃើញវានៅពេលអនាគតខាងមុខនេះ៕

តោះមកទស្សនាវីដេអូខាងក្រោមនេះទាំងអស់គ្នា៖ 

• វិទ្យាសាស្រ្ត
• ឡាន
• អនាគត
• វីដេអូ