នេះជាជីវិតស្រីលាភ ក្រោយលះបង់គ្រប់យ៉ាង ទៅរស់នៅជាមួយស្វាមី នៅក្រៅប្រទេស

ភ្នំពេញ៖ អតីតតារាសម្តែងដ៏មានប្រជាប្រិយភាពអ្នកនាងរ៉ូ ចាន់ដារ៉ា ហៅស្រីលាភ សុខចិត្តផ្លាស់ប្តូរទីកន្លែងកំណើត ដែលពោរពេញដោយក្តីសុខ ក្រោយពីរៀបការរួច ដើម្បីទៅរស់នៅជាមួយស្វាមីនៅឯក្រៅប្រទេស។

យ៉ាងណាមិញ បើក្រឡេកទៅមើលជីវិតនាងនាពេលបច្ចុប្បន្ន ក្រោយបានប្តូរទៅរស់នៅជាមួយស្វាមី ឃើញថាវាមិនខុសប្លែកពីកាលដែលរស់នៅមានមិត្តច្រើន នៅប្រទេសខ្មែរប៉ុន្មាននោះទេ ព្រោះថាទៅដល់ទីនោះនាងក៏ទទួលបានសុភមង្គលខ្លាំងពីគ្រួសារខាងប្រុស មានផ្ទះដ៏ធំរស់នៅ ដែលមានភាពកក់ក្តៅខ្លាំង។

មិនត្រឹមតែប៉ុណ្ណោះ សូម្បីតែជីវិតហាយសូររបស់នាង ក៏មិនបានផ្លាស់ប្តូរនោះដែរ ខណៈពេលដែល នាងទើបនឹងបានរស់នៅ មិនដល់មួយខែផងនោះ។

ក្រោយពីបានឃើញជីវិតដ៏មានសុភមង្គល ក្រោយបានប្តូរទៅរស់នៅជាមួយស្វាមីនៅក្រៅប្រទេស បានធ្វើឲ្យអ្នកគាំទ្រជាច្រើនរំភើបចិត្តជំនួសនាងតែម្តង ស្របពេលដែលបានឃើញរូបភាព ដែលពោរពេញដោយស្នាមញញឹមរបស់នាង៕

ចង់ជ្រាបកាន់តែច្បាស់សូមទស្សនារូបភាពខាងក្រោមនេះ៖ 

• រ៉ូ ចាន់ដារ៉ា
• តារាខ្មែរ