អង់គ្លេស៖ ខែ្សការពាររបស់ក្រុមបិសាចក្រហម Manchester United កីឡាករ Luke Shaw បាននិយាយថា ខ្លួនសឹងនឹងបាត់បង់ជើងទៅហើយ ពេលដែលជើងរបស់គេបាក់ អំឡុងពេល Man Utd ចាញ់ PSV ២-១ ក្នុងព្រឹត្ដិការណ៍ Champions League កាលពីឆ្នាំ២០១៥។
ក្រោយពីបង្ហាញទម្រង់លេងយ៉ាងល្អឲ្យ Man Utd រដូវកាលនេះ អតីតកីឡាកររបស់ក្រុម Southampton ត្រូវបានគ្រូបង្វឹកលោក Gareth Southgate កោះហៅឲ្យចូលក្រុមវិញ បន្ទាប់ពីបាត់បង់តំណែងក្នុងក្រុមជម្រើសជាតិជាច្រើនឆ្នាំមកហើយនោះ។
«បើនិយាយបែបនេះ ខ្ញុំដូចជាកុហកពេកហើយ ដែលខ្ញុំត្រូវប្រាប់ថាខ្ញុំគិតរឿងឈប់លេងបាល់។ ខ្ញុំមានបញ្ហាច្រើនជាមួយជើងរបស់ខ្ញុំ ដែលវាពេលលំបាកបំផុតក្នុងជីវិតរបស់ខ្ញុំ។ ពេលព្យាបាលជំហានដំបូងគ្រូពេទ្យគិតថា អាចឲ្យខ្ញុំត្រលប់មកផ្ទះវិញបាន ទាំងមិនបានដឹងថាមានឈាមកកក្នុងជើង។ ពេលនោះប្រសិនជាខ្ញុំត្រលប់មកវិញ ខ្ញុំប្រហែលជាត្រូវកាត់ជើងចោលបាត់ហើយ តែសំណាងដែលខ្ញុំមិនទាន់ទៅ» សម្ដី Shaw។
សូមបញ្ជាក់ថា អង់គ្លេស នឹងត្រូវប៉ះក្រុមអេស្ប៉ាញក្នុងពានរង្វាន់ Nation League ក្នុងកីឡដ្ឋាន Wembely នៅថៃ្ងសៅរ៍នេះ មុនពេលប៉ះស្វីស សម្រាប់ការប្រកួតមិត្ដភាពនៅថៃ្ងអង្គារ លើទឹកដីរបស់ក្រុម Leicester City៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]