ឡើងកូដល្បីខ្លាំងប៉ុណ្ណាក៏ ស្រីនិច នៅមិនភ្លេចធ្វើរឿងមួយនេះ ជាមួយមិត្តចាស់

ភ្នំពេញ៖ មុននេះបន្តិចតារាចម្រៀងស្រីវ័យក្មេង ប្រចាំផលិតកម្មសាន់ដេ កញ្ញា ស្រីនិច បានធ្វើការណាត់ជួប ជាមួយមិត្តចាស់ស្រីៗប៉ុន្មាននាក់ ដើម្បីជួបជុំគ្នាជជែកលេងនិងទទួលទានអាហារយ៉ាងស្ងប់ស្ងាត់ ដើម្បីរំលឹកអនុស្សាវរីយ៍ចាស់ៗកាលពីមុន។

ជាមួយគ្នានេះដែរ អ្វីដែលគួរឲ្យភ្ញាក់ផ្អើល មិត្តស្រីរបស់ស្រីនិច ទាំងអស់នោះ តាមពិតសុទ្ធសឹងតែជាអតីតបេក្ខភាពប្រលងកម្មវិធី Freshie Girls and Boys ជំនាន់ទី១៣ នៅឆ្នាំ២០១៤ ដែលរួមមានទាំងកញ្ញា បូរមី ផងដែរ។

ទង្វើរបស់ម្ចាស់បទ «មនុស្សស្រីមានសង្សាច្រើនមិនមែនសុទ្ធតែសាវ៉ា» រូបនេះ បានធ្វើឲ្យទស្សនិកជន ជាពិសេសមិត្តអ្នកគាំទ្រ មានកោតសរសើរជាខ្លាំង ព្រោះបើទោះបីជាបច្ចុប្បន្ននាងកំពុងមានកេរ្តិ៍ឈ្មោះល្បី ឡើងកូដខ្លាំងយ៉ាងណា ក៏កញ្ញា នៅតែឆ្លៀតពេលទំនេរមកជួបមិត្តចាស់ដដែល។

គួររម្លឹកដែរថា មុនចូលច្រៀងនៅសាន់ដេ ស្រីនិច ក៏ជាអតីតបេក្ខភាពប្រលង ក្នុងកម្មវិធី Freshie Girls and Boys ជំនាន់ទី១៣កាលពីឆ្នាំ២០១៤ ដែលពេលនោះ នាងទទួលបានចំណាត់ថ្នាក់លេខ២ ទៀតផង៕

• និច តារាចម្រៀង
• តារាខ្មែរ