បរទេស៖ សហព័ន្ធកីឡាបាល់ទាត់ពិភពលោក FIFA បានបញ្ចេញនូវឈ្មោះកីឡាករចំនួន៣នាក់ចុងក្រោយ សម្រាប់ដណ្ដើមពានរង្វាន់កីឡាករល្អជាងគេប្រចាំឆ្នាំ២០១៨ តែអ្វីដែលគួរឲ្យភ្ញាក់ផ្អើលនោះ គឺមិនមានឈ្មោះខែ្សប្រយុទ្ធឆ្នើម Lionel Messi ទេ។
បេក្ខភាព៣រូបដែលជាប់ក្នុងបញ្ជីចុងក្រោយរបស់ FIFA រួមមាន ខែ្សប្រយុទ្ធក្រុមជម្រើសជាតិព័រទុយហ្គាល់ និង Juventus កីឡាករ Cristiano Ronaldo, ខែ្សប្រយុទ្ធ Mohamed Salah របស់ក្រុមជម្រើសជាតិអេហ្ស៊ីប និង Liverpool និងខែ្សបម្រើ Luka Modric របស់ក្រុមជម្រើសជាតិក្រូអាត និង Real Madrid។
យ៉ាងណាមិញ អ្វីដែលធើ្វឲ្យអ្នកទស្សនាបាល់ទាត់ទូទាំងពិភពលោកមានការភ្ញាក់ផ្អើលនោះ គឺប្រធានក្រុមជម្រើសជាតិអាហ្សង់ទីន និងក្រុម Barcelona កីឡាករ Lionel Messi មិនមានឈ្មោះក្នុងបេក្ខភាព៣នាក់ចុងក្រោយសម្រាប់ពានរង្វាន់មួយនេះទេ។
Messi ស៊ុតបញ្ចូលទីដល់ទៅ ៤៥គ្រាប់ឲ្យ Barcelona រដូវកាលមុន ដើម្បីឲ្យក្រុមមួយនេះឈ្នះបាននូវពានចំនួន២ ដែលមានដូចជា La Liga និង Copa del Rey ប៉ុន្ដែរូបគេមិនអាចជួយក្រុមជម្រើសជាតិបានទេ អំឡុងព្រឹត្ដិការណ៍ World Cup ដោយធ្លាក់ត្រឹមវគ្គ១៦ក្រុមចុងក្រោយ ក្រោមស្នាដៃក្រុមជើងឯកបារាំង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
