បរទេស៖ ស្នេហារវាងតារាចម្រៀងប្រុសល្បីឈ្មោះ Justin bieber ជាមួយនឹងតារាបង្ហាញម៉ូតស្រីនាង Hailey Baldwin នៅតែជាចំណីមាត់របស់មហាជន នៅលើបណ្តាញទំនាក់ទំនង និងតែងតែស្ថិតនៅក្រោមក្រសែភ្នែក របស់ប្រិយមិត្តអ្នកគាំទ្រគ្រប់ពេលគ្រប់វេលាតែម្តង។
ជាការពិតណាស់ ហើយមួយរយៈចុងក្រោយនេះផងដែរ គេសង្កេតឃើញថា តារាប្រុស២៤ឆ្នាំ រូបនេះ តែងតែបណ្តើរគ្នាយ៉ាងស្អិតរមួតជាមួយនឹង គូដណ្តឹងបណ្តូលចិត្តជានិច្ច ថែមទាំងលេចឮដំណឹងរៀបការឆាប់ៗខាងមុខនេះថែមទៀតផង។ ប៉ុន្តែទោះជាយ៉ាងណា ក្នុងនោះក៏មានអ្នកគាំទ្រជាច្រើន ក៏បានបញ្ចេញមតិទៅលើការស្លៀកពាក់តុបតែងខ្លួនបច្ចុប្បន្ន របស់ Justin bieber រាល់ពេលដែលលោកចេញទៅក្រៅម្តងៗជាមួយនឹង Hailey Baldwinផងដែរ។
ដោយមតិជាច្រើន គេបានប្រៀបធៀបការតុបតែងខ្លួនរបស់Justin កាលពីមុននិងបច្ចុប្បន្ន គឺមានភាពខុសគ្នាច្រើនណាស់ ដោយបច្ចុប្បន្ននេះលោកស្លៀកពាក់ប្រៀបដូចបុរសវ័យចំណាស់ មិនសមនឹងអាយុសោះ។ លើសពីនេះថែមទាំងទុកសក់ ទុកពុកមាត់ រហូតមានពេលខ្លះអ្នកគាំទ្រសឹងហៅថា "ពូ” ក៏មានដែរ។
យ៉ាងណាមិញ ការប្រែប្រួលរូបសម្រស់របស់Justin ដោយពីតារាប្រុសតែងខ្លួនស្រស់សង្ហា មកក្លាយជាបុរសចំណាស់មុនអាយុបែបនេះ ធ្វើឲ្យមនុស្សជាច្រើនសម្តែងការមិនពេញចិត្តឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]