ប្រពៃណាស់! ពេជ្រ ថៃ ត្រៀមចេញចម្រៀងរំលឹកដល់ ម៉ែចាស់ ដែលបានស្លាប់ចោល ក្រោមការនិពន្ធ ដោយខ្លួនឯង

ភ្នំពេញ៖ ក្រោយបាត់បង់មនុស្សជាទីស្រលាញ់ ដែលខំមើលថែខ្លួនអស់ពេលជាច្រើនឆ្នាំ ពេជ្រ ថៃ ក៏បានមកធ្វើការច្រៀងតាមការប្រគុំតន្ត្រីតាមធម្មតាវិញ ដើម្បីរកប្រាក់ បន្ទាប់ពីការសិក្សារបស់ខ្លួន។

ជាក់ស្តែង ប្រិយមិត្តជាច្រើនប្រាកដជាបានដឹងហើយថា តារាវ័យក្មេងរូបនេះក៏បានបួសជាព្រះសង្ឃអស់រយៈពេលមួយសប្តាហ៍ ដើម្បីធ្វើការសងគុណដល់ម៉ែចាស់ ដែលខំប្រឹងបីបាច់មើលថែ អស់រយៈពេលជាច្រើនឆ្នាំ។ មិនត្រឹមតែប៉ុណ្ណោះ ទង្វើមួយនេះបានធ្វើឲ្យមហាជនជាច្រើនសរសើរ ដល់ប្អូនប្រុសគ្រប់គ្នាតែម្តង។

ស្របពេលជាមួយគ្នានេះ លោកយាយស្លាប់មិនទាន់បានប៉ុន្មានផង តារាវ័យក្មេងរូបនេះក៏ត្រៀមចេញចម្រៀងរំលឹកទៅដល់ម៉ែចាស់ ដែលបានចែកឋានកាលពីពេលកន្លងទៅនេះ ក្រោមការនិពន្ធស្នាដៃ ចេញពីគំនិតខ្លួនឯងផ្ទាល់ ជាមួយនឹងឪពុកជាទីស្រលាញ់ផងដែរ។

នៅក្នុងនោះដែរ គ្រាន់តែឃើញអត្ថន័យបទចម្រៀង ដោយមិនទាន់បានស្តាប់ផង ក៏មានអារម្មណ៍ថាក្តុកក្តួល និងអាណិតដល់រូបប្អូនជាខ្លាំង ដែលបានតែងតែមិនភ្លេចដល់អ្នកមានគុណបែបនេះ៕

ចង់ដឹងថា អត្ថន័យបទថ្មីដែលប្អូនត្រៀមចេញនោះមានអត្ថន័យបែបណា សូមទស្សនារូបភាពខាងក្រោមនេះ៖ 

• ពេជ្រ ថៃ
• តារាខ្មែរ