ខ្សែភាពយន្តដូនជី "The Nun” មានចាក់បញ្ចាំងតែនៅ Legend Cinemas, Prime Cineplex, និង Ek Phnom ខេត្តបាត់ដំបងតែប៉ុណ្ណោះ

ប្រិយមិត្តអ្នកចូលចិត្តទស្សនាភាពយន្តភ័យរន្ធត់ ច្បាស់ជាស្គាល់ចក្រវាឡភាពយន្ត “The Conjuring” ហើយ។ ក្នុងចក្រវាឡនេះមានតួអង្គកំណាចសំខាន់ខ្លះដែលគេយកមកថតជាភាពយន្តពីតួអង្គនោះតែម្តង ដែលក្នុងនោះរួមមានរឿង Annabelle (2014), រឿង Annabelle: Creation (2017) និងរឿង The Nun ដែលនឹងមានចាក់បញ្ចាំងចាប់ពីថ្ងៃទី ៧ សីហានេះហើយ។

ដូច្នេះហើយ បើប្រិយមិត្តជាហ្វេនគាំទ្រ “The Conjuring” ត្រៀមចាំតែស្រែកឱ្យហើយទៅ ព្រោះថានេះមិនមែនជាភាពយន្តភ័យរន្ធត់ធម្មតានោះទេ ហើយពិភពលោកទាំងមូលកំពុងទន្ទឹងចាំភាពយន្តនេះយ៉ាងអន្ទះសារ​ ប៉ុន្តែអ្វីដែលទស្សនិកជនត្រូវដឹងនោះគឺរឿង “The Nun” មានចាក់បញ្ចាំងនៅតែរោងភាពយន្តទំនើប៣តែប៉ុណ្ណោះនោះគឺ រោងភាពយន្តលេជេន ទាំង ៥សាខា, រោងភាពយន្ត Prime Cineplex ទាំង ២សាខា និងរោងភាពយន្តឯកភ្នំ ដែលស្ថិតនៅខេត្តបាត់ដំបង។​

“The Nun” និយាយពីដូនជីវ័យក្មេងម្នាក់ដែលបានសម្លាប់ខ្លួននៅវិហារដូនជី ប្រទេសរ៉ូម៉ានី ហើយខាងវិហារវ៉ាទីកង់ក៏បានបញ្ជូនអាចារ្យ និងដូនជីម្នាក់ទៅស៊ើបមើលករណីនោះ។ ភាពយន្តនេះបាននាំមកវិញនូវតារាស្រីដែលធ្លាប់បានដើរតួ Valak កាលពីរឿង “The Conjuring 2” មកវិញ ព្រមទាំងចូលរួមសម្តែងដោយ Taissa Farmiga ដែលនាងជាប្អូនស្រីបង្កើតរបស់ Vera Farmiga ដែលបានដើរតួជាគ្រូចាប់ខ្មោចដ៏ល្បីក្នុងចក្រវាឡរឿង “The Conjuring” នេះផងដែរ។

ទស្សនា Trailer នៅខាងក្រោមនេះ៖

ដើម្បីទទួលបានពត៌មានលំអិតពីភាពយន្តនេះ និង ពត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្ត អាចចូលទៅកាន់ចៃកុនតាមរយៈ
www.cinema.com.kh 
រឺតាមប្រព័ន្ធបណ្តាញសង្គមដូចជា:
www.facebook.com/JaiKon.Cambodia,
www.youtube.com/JaiKonCambodia 
ហើយក៏អាច add ចៃកុនជាមិត្តក្នុងកម្មវិធីLINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ពីភាពយន្តជារៀងរាល់សប្តាហ៍។​

• ភាពយន្ត