ថៃ: មានរឿងរ៉ាវជាច្រើន ដែលមនុស្សមួយចំនួនធំ មិនបានទទួលដឹងនូវពីក្រោយខ្នងនៃភាពជោគជ័យរបស់បុគ្គលម្នាក់ៗ ហើយជាការពិតណាស់ បុគ្គលជោគជ័យភាគច្រើន ក៏រមែងតែងតែធ្លាប់ឆ្លងកាត់ការបរាជ័យ និងភាពលំបាកវេនទា ផងដែរ នៅក្នុងសង្គម។
ជាក់ស្តែង បើយើងងាយមកមើលពីអាជីពការងារ ជាអ្នកនិពន្ធរបស់អតីតតារាសម្តែងស្រីជើងចាស់ Anne Thong វិញ ក៏បានឆ្លុះបញ្ចាំងឲ្យឃើញថា នាងរមែងតែងតែឡើងចុះ និងផ្លាស់ប្តូរទីកន្លែងតែងនិពន្ធរឿង ជារឿយៗ ទៅតាមប្រភេទដំណើរសាច់រឿងនីមួយៗ។
ជាមួយគ្នានេះដែរ នាងក៏តែងតែចំណាយពេលអានសៀវភៅផ្សេងៗទៀត ជាច្រើនក្បាល ដើម្បីអភិវឌ្ឍចិត្តគំនិត ក្នុងការសរសេរសាច់រឿង ឲ្យកាន់តែមានភាពទាក់ទាញ សម្រាប់ទស្សនិកជន។ ក្នុងនោះផងដែរ នាង ក៏បានឆ្លៀតពេលវេលាខ្លះៗ សម្រាប់ធ្វើការហាត់ប្រាណ និងបរិភោគអាហារបួស ជាប្រចាំថ្ងៃ ថែមទៀតផង។
ទាំងអស់នេះ ក៏សុទ្ធសឹងតែជាផ្នែកមួយ សម្រាប់ធ្វើការបង្ហាញឲ្យមហាជនជាច្រើន បានមើលឃើញថា អាជីពមួយនេះ មិនមែនជារឿងងាយស្រួល ក្នុងការរកប្រាក់កម្រៃច្រើនរាប់សែនបាត ដូចអ្វីដែលមនុស្សទូទៅគិត នោះទេ។ ព្រោះថា វាក៏ត្រូវការចំណាយពេលវេលាគិតគូរ និងប្រើប្រាស់ភាពអត់ធ្មត់ តស៊ូច្រើន ទើបអាចទទួលបានភាពជោគជ័យ នៅក្នុងវិស័យនេះ៕
ទស្សនាសកម្មភាពរបស់នាង នាពេលតែងនិពន្ធទាំងអស់គ្នា:
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
