តូតា មិនខុស ពី សុគន្ធកញ្ញា ចាប់ផ្អើមបង្ហាញមុខគូស្នេហ៍ យ៉ាងពេញមុខ

ភ្នំពេញ៖ តារាសម្តែងដ៏មានប្រជាប្រិយភាពកញ្ញាម៉ាក សែនសូនីតា ហៅតូតា កាន់តែបើកចំហចំណងស្នេហា នៅក្នុងបណ្តាញសង្គមហ្វេសប៊ុកយ៉ាងពេញមុខ ក្រោយនាងមិនធ្លាប់បង្ហាញយ៉ាងចំៗបែបនេះជាសាធារណៈ។

ជាក់ស្តែង កាលពីពេលថ្មីៗនេះប្រិយមិត្តជាច្រើនប្រាកដជាបានដឹងហើយថា កំពូលតារាចម្រៀង សុគន្ធកញ្ញា បានបង្ហាញរូបភាពជាលក្ខណៈគ្រួសារ ជាមួយនឹងគូស្នេហ៍របស់ខ្លួន ជាលើកដំបូងនៅក្នុងបណ្តាញសង្គមម្តងហើយ។

ខណៈពេលនេះដែរ តារាសម្តែងវ័យក្មេងមុខដូចកូនកាត់ តូតា ក៏បានបង្ហាញ មុខគូស្នេហ៍របស់ខ្លួនយ៉ាងពេញមុខ នៅក្នុងថ្ងៃកំណើតប្អូនស្រីជាទីស្រលាញ់របស់នាង កាលពីម្សិលមិញនេះ ដូចនឹងតារារៀមច្បងយ៉ាងដូច្នោះ ក្រោយពីបានលេចធ្លាយដំណឹងថានាង និងគូដណ្តឹង ជិតដល់ថ្ងៃចូលរោងជ័យរៀបការ នឹងគ្នា។

ទន្ទឹមនឹងនេះអ្នកគាំទ្រជាច្រើនក៏នាំគ្នា សរសើរដល់តារាទាំងពីរនេះគ្រប់គ្នា ដោយទោះបីជាខំលាក់មុខជាមួយនឹងគូស្នេហ៍ជាច្រើនឆ្នាំ តែមិនបានប៉ុណ្ណោះក៏ចាប់ផ្អើមបង្ហាញជាសាធារណៈ ដោយមិនខ្លាចដូចកាលពីមុននោះទេ៕

ចង់ជ្រាបច្បាស់សូមទស្សនារូបភាពខាងក្រោមនេះ៖